Serbisyo publiko gitutokan ni Ronnie

CEBU, Philippines — Puwerting bisiha sa singer nga si Ronnie Liang sa mga  relief  operation alang sa mga naapektohan sa pandemya.

Gibisita ni Ronnie ang  stranded individuals (LSIs) sa Rizal Stadium and Army Gymnasium kun diin nitabang siya sa pag-apod apod og plane tickets.

Nidalit usab og awit si Ronnie  aron maghatag og paglaom sa mga na-stranded.

“As Army reservist and concern Filipino, gusto ko talagang makatulong. That’s really my purpose naman talaga kaya rin ako nag-join sa Army — to help and serve people,”  suma pa ni Ronnie.

Gidasig usab ni Ronnie ang katawhan nga magtinabangay karong panahona.

“This is the time for us na magtulungan. I know naman na malalampasan nating lahat ito basta may respeto sa isa’t isa. But personally, kaming nasa Army ay patuloy na tutulong sa mga kababayan natin,” dugang pa niya.

Pinay nanghugyaw sa UK

Gituyokan og upat ka lingkoranan ang 13 anyos nga Pinay nga si Justine Afante atol sa pag-audition niini sa The Voice Kids UK.

Gikanta niya ang “Never Enough”  nga gikan sa  pelikulang The Greatest Showman.

Nauyonan gyud sa mga hurado ang iyang performance nga naglangkob nila ni Danny Jones, Pixie Lott, ug Paloma Faith

Tungod sa hugyaw niya nga pagkanta, nakadawat kini og standing ovation.

Intimate wedding ang target

Gibutyag ni Derek Ramsay nga sa higayon nga magpakasal na sila ni Andrea Torres, gusto nila nga  intimate ang ilang kasal.

Gusto sa duha nga ang mga importanteng tawo ang nagpalibot kanila sa ilang espesyal nga adlaw.

Una na nga gibutyag ni Derek nga segurado na siya kang Andrea nga makauban niya sa pagpaso paingon sa altar sa kaminyoon.

Song covers ni Vivoree gipistahan

Gisaulog ni Vivoree Esclito dili pa lang dugay ang iyang 20th birthday  sa live episode  sa  online  nga We Rise Together". Gidalitan usab siya og awit sa higala niya nga  si Patrick Quiroz.

"Thank you sa inyong lahat sa pagbati. Sobrang na-appreciate ko. Sana more  episodes for us," suma pa ni  Vivoree. Nasayran nga padayon  gipistahan ang iyang song covers sa iyang YouTube Channel. 

Ubay-ubay na usab ka online personalities ang nakigkolaborasyon kaniya.

Adele mitimbaya kang Beyonce

Nag-post og hulagway si Adele  sa Instagram kun diin nihatag siya og pagtimbaya kang Beyonce.  

Susama og hitsura ni Beyonce ang maong hulagway ni Adele.

“Thank you Queen for always making us all feel so loved through your art," suma pa ni Adele.

Nakabangon gyud

Malipayon si  Karla Estrada gumikan kay nahaw-as gyud siya sa mga hagit nga iyang nasugatan isip single mom.

“Ang laking tulong sa akin nung nanay ko na kasama ko at that time. Kasi ang daming projects na nakapila dahil nagsa-start pa lang ako. Maaga din ako nag-artista. At 16, nag-aartista na ako. Pa-peak na rin 'yung career at the same time, ang tigas na rin ng ulo ko at that time,”  suma pa ni Karla  sa interview niini sa” I Feel U”.

Usa sa dili niya malimtan sa dihang nagkasakit ang iyang mga anak.

Sa pagka-karon, malipayon siya gumikan kay napahimutang gyud niya og tarong ang iyang mga anak. “Yung pagiging maayos ng pag-uugali ng mga anak ko. Kilala nila ang Diyos, may takot sila sa Diyos. 'Yung bago gumawa ng hindi maganda, mag-iisip muna dahil alam nilang may Diyos,”suma pa ni Karla.

MayWard temporaryong magbuwag

Nalakip ang Kapamilya star nga si Maymay Entrata sa bag-ong  digital project sa  Star Cinema nga The Four Bad Boys and Me. Walay apil niini ang iyang  leading man nga si Edward Barber. “Okay lang naman po na may solo projects kami ni Edward kasi meron rin naman si Edward tapos nagkakasama rin naman po kami sa iWant ASAP and may upcoming project din po kami,” suma pa ni Maymay.

Nabiktima sa diskriminasyon

Gibutyag ni  Michael V nga nabiktima sa diskriminasyon ang iyang pamilya sukad siya nataptan sa COVID-19.

“Nakakadagdag din sa sakit yung stigma sa mga COVID patients. Para kang tinatakan ng 'reject' ng lipunan.Kahit naka-full PPE ka, iniiwasan ka ng mga tao, kinatatakutan, pinandidirihan.Ang masama, yung iba hinihiya o hina-harass ka pa,” niya pa.

Suma pa niya nga dili lalim ang kamingaw nga iyang gibati sa iyang pamilya.

“Ang pinakamatinding makakalaban mo pala during quarantine, e, yung lungkot,” suma pa  niya.