Pamilya Ko… babu na rin kahit walang ending
Todo emote ang followers ng teleseryeng Pamilya Ko na hindi na rin pala mapapanood kahit kailan.
Bakit daw ganun, sana naman ay bigyan sila ng maayos na ending.
Sa Instagram account nga ng programa ay nagpaalam na sila. “Mabungang araw, mga kapamilya! Mahaba-haba na rin ang ating pinagsamahan. Katulad ng isang totoong pamilya, sabay-sabay tayong umiyak, nagalit, nagmahal, at tumawa. Saan man tayo makarating, lagi niyong tatandaan na mananatili kayo sa aming mga puso at isipan dahil kapamilya tayo forever. Maraming salamat sa suporta at hanggang sa muli nating pagkikita, mga ka-fruit salad! #PamilyaKo#RGEDramaUnit.”
Bida sa Pamilya Ko si Sylvia Sanchez na recovered patient ng covid-19. Actually, parang hindi na nagkaroon ng coronavirus si Ms. Sylvia at nakakapag-supermarket na uli sila ng husband niyang si Art Atayde na nagkaroon din ng covid.
“After 3months, nakalabas din. Our 1st date, grocery date. Ang hirap ng new norm pero no choice, kailangan mo talaga proteksiyunan sarili mo and thank you @missrheatan for our #beautederm mask and shield? stay safe everyone,” ang last post ni Ms. Sylvia.
Kabilang nga ang Make It With You at Pamilya Ko ang mga programa ng ABS-CBN na hindi na uli babalik sa ere dahil sa coronavirus pandemic at sa ABS-CBN closure dahil sa problema ng franchise ng network.
Pero nagbabalik ang ilan nilang programa sa bagong Kapamilya Network at nauna na ngang napanood ang It’s Showtime at kahapon ay ang ASAP.
- Latest
