ASAP naging concert venue, Sarah nag-trend agad
Ibang-iba ang ASAP Natin ‘To kahapon.
Concert na ang concept.
Wala na ang mga tawanan at ang mga nagtitiliang host at lalo wala na ang nagsisiksikang audience.
Iilan na lang din sila at bawat isa ay nag-mini concert with four songs each from Sarah Geronimo, Piolo Pascual, Zsa Zsa Padilla, Martin Nievera, Gary Valenciano and Regine Velasquez.
At kung meron mang commercial gap, in house commercial ang palabas. May isang nakakasingit. Pero majority talaga ay in house commercial.
Pinairal din nila ang strict social distancing at sa opening and ending lang ng show sila nagkaroon ng sama-samang kumanta.
Anyway, at dahil na-miss ng fans ang ASAP, mabilis nag-trending si Sarah.
“Na-miss ko po kayo. Na-miss ko po ito. Every time po na ako ay nakakapag-perform sa stage na tulad nito sa ASAP, I always feel grateful and thankful kasi maliit pa lang ako, ito na po ang gusto kong gawin, ang makapagpasaya ng tao. Maraming, maraming salamat to my ASAP family because I am still here and nagagawa ko pa rin ang aking passion,” sabi ni Sarah nang kantahin ang Duyan.
Si Regine naman ay binigyan ng tribute ang namayapang si Anita Linda.
- Latest