Yam gibastos sa iyang follower

CEBU, Philippines — Nag-Facebook live si Yam Concepcion sa iyang birthday niadtong Miyerkules.

Nalingaw unta si Yam sa maong FB live session  apan duna siya’y follower ang niguba sa iyang adlaw gumikan kay naghisgot kini sa iyang karaang sexy movie nga Rigodon.

"Ano bang mga tao ito, nagko-comment ng Rigodon… ang babastos niyo, ha?Tama na ‘yan, tapos na ‘yon, old news na ‘yan. Move on na tayo.” ni Yam pa.

Napungot og maayo si Yam sanglit birthday niyang dako apan dunay gustong moguba sa iyang adlaw.

“What do you want me to feel kapag nagko-comment kayo ng mga ganyan? Anong gusto niyong mangyari, kasi hindi ko ma-gets kung bakit kailangan pang i-mention?

Birthday na birthday ng tao, 'tapos ganoon?

May mga comment dito, medyo bastos, so bahala kayo diyan," niya pa.

Nitungtong na og 33 ang edad sa aktres ug mapasalamaton siya sa iyang fans gumikan kay masaypan og 20 kapin ang iyang edad.

“I’m 33 years old at sa lahat ng mga nanonood sa live ngayon, akala niyo nasa 20s lang ako? Thirty-three na ako,”niya pa.

Tsika pa sa aktres nga nakahilak siya sa suwat nga gipadala sa iyang  boyfriend nga si  Miguel CuInjieng.

"Kagabi kasi may sinend sa akin si Miguel na letter kaya medyo namamaga yung mata ko, kasi umiyak ako.Touched ako. Parang mas emotional ako ngayong quarantine birthday saka mas appreciative ako ngayon," matud pa ni Yam.

Sakyanan gibaligya aron itabang

Padayon nga gipamatud-an ni Angel Locsin ang iyang pagka-anghel sa yuta.

Gibaligya sa aktres ang usa sa iyang mga sakyanan nga 2015 Dodge Durango aron makahatag siya og dugang pundo alang sa mass testing nga tipik sa  kampanya batok COVID -19 .

Samtang si Anne Curtis nibaligya usab sa iyang bag aron makasuporta sa maong kampanya. 

Mi-file og divorce

Human sa tulo ka tuig nga kaminyoon, ni-file og divorce ang sikat nga Korean stars nga sila si Lee Dong Gun ug Jo Yoon Hee.

Sa report sa Dispatch, ang managlahing personalidad maoy rason sa nabungkag nila nga kaminyoon.

Kahinumdoman nga naduso ang ilang marriage registration niadtong May 2017 ug nahitabo ang ilang pribadong kasal niadtong September 2017.

Nakabaton sila og anak nga babaye niadtong December 2017.

Ang mga talent agency sa duha nga FNC ug King Kong nipadayag nga ilahang girespeto ang nakab-ot nga hukom kalabot sa ilang personal nga kinabuhi.

“Live -in issue” gikataw-an ni Kiray

Gikataw-an og maayo ni Kiray Celis ang nitumaw nga taho matud pa nag-live in na sila sa iyang boyfriend nga si Stephan Estopia.

Nasayran nga sa mga  bag-ong vlog ni Kiray, kanunay gyud nga naa sa ilang panimalay ang iyang boyfriend.

Apan gitataw ni Kiray nga doul ra sila og balay sa uyab hinungdan nga makabisita ra kini sa ilaha.

Mosayo og uli ang iyang boyfriend aron dili kini makasupak  sa curfew.

Gitangtangan og korona

Gitangtangan og korona ang kasamtangang Miss Eco International 2019 nga si  Suheyn Cipriani nga taga  Peru gumikan kay nagsabak kini.

Mao kini ang nitumaw nga report sa PEP.

Ang first-runner up sa maong indigay mao ang pambato sa Pilipinas nga si  Maureen Montagne sa  Pilipinas.

Padayon pa nga gituki kun mapasa ba kang Maureen ang korona sanglit kasamtangan kini nga kandidata sa Binibining Pilipinas 2020.

Kung makuha ni  Maureen ang korona, automatic na usab kini nga mahimong ambassador sa  United Nations for Eco-Tourism.

Willie wala mopatol sa komedya ni Roque

Midistansya si Willie Revillame  sa komedya ni Presidential Spokesperson Harry Roque kalabot sa pagkahunom sa  operasyon sa  ABS-CBN.

Nasayran nga si  Roque ang nahimong guest ni Willie sa live  episode sa Wowowin sa miaging gabii.

Sa usa ka bahin sa maong show, kalit nga nihirit si Roque sa iyang komedya.

“Sa kauna-unahang pagkakataon, ikaw lang ang napapanood sa buong bansa.Alam mo, duda ko, kaya iyong isa nawalan ng prangkisa, ikaw may kagagawan niyan, e. Oh, aminin… aminin,” komedya pa ni Roque ngadto kang Willie.

Wala mosakay si Willie sa maong komedya ug nitataw kini nga  dako pud siya og utang kabubot-on sa ABS-CBN.

“Doon ako nagsimula, doon ako nakilala, nasa puso ko pa rin iyan. Kapamilya, Kapatid, Kapuso, bawat Pilipino,”!’matud pa ni Willie.

Nidugang pag-ingon  si Willie og  “Kaya, Sec, huwag mo akong idamay. Baka ma-bash po ako. Nananahimik po ako!”

Hyun Bin giatngan sa mga Pinoy

Sa higayon nga mahuman na ang COVID-19 pandemic , posibleng motikang sa Pilipinas  ang sikat kaayo nga Korean star nga si Hyun Bin.

Giingong mao kini ang plano sa Bench nga gi-endorso ni Hyun .

Human niulbo ang maong report , nagubot usab ang Pinoy netizens ug nipadayag nga excited na sila makakita ni Hyun.

Nasayran nga puwerting sikata ni Hyun karong panahona tungod sa K-drama nga "Crash Landing on You" .

Si Hyun usab ang usa mga bag-ong endorser sa Smart Communications.

Todo tabang

Nagmalampuson gyud ang fundraising drive nila ni Bea Alonzo ug sa movie producer nga si Rina Navarro. Giingong nakadawat na sila og P9 million  nga cash ug in-kind donations . Kampanya  kini  alang sa frontliners ug sa mga naapektohan sa pandemic.”Maraming, maraming salamat sa lahat ng sumuporta,” suma pa ni Bea.

Nakaagi og depresyon

Giangkon ni Heart Evangelista nga nakasinati na siya og depresyon kaniadto. Suma pa ni Heart nga dunay nikuwestyon sa iyang kaagi.”Mga tao porket nakikita ka nilang maganda yung suot mo, o porket nakikita nilang mahal yung bag mo, you're living the life—feeling nila okay ka lang saktan,”ni Heart pa.

Mihangyo sa publiko

Panawagan sa online sesnsation nga si Michelle Fox nga unta hunongon na sa ubang tawo ang pagpakatap sa iyang video scandal. Kauban niya sa maong video mao ang iyang boyfriend nga si Kramer Ford. Nailhan ang duha isio Vavaeng Marangal  ug Lalakeng Marangal.

Pabuhagay ni Coco

Laing pabuhagay ang gi-post ni Coco Martin sa iyang Instagram account sa miaging gabii. Kalabot gihapon kini isyu sa franchise renewal sa ABS-CBN. “Lalaban kami at maninindigan!!!,” suma pa ni Coco.

Aksyon og kabalaka

Giangkon ni Colleen Garcia nga dili malikayan nga mabalaka sa iyang pagsabak alang sa unang anak nila ni Billy Crawford tungod sa COVID-19 pandemic. “To be pregnant in this time, ngayon na ECQ, it’s hard because medyo may pagkapraning tayo?” suma pa ni Coleen.

Naka-P800K na

Niabot na karon og kapin sa P800K ang nahipos nga donasyon sa benefit online concert ni Darren Espanto sa miaging gabii.  Itabang kini alang sa mga tawo nga naapektohan sa kasamtangang pandemya.

49th Birthday

Gisaulog ni  Cherry Pie Picache dili pa lang dugay ang iyang 49th birthday . Malipayon ang aktres sa  birthday surprise nga gimugna sa iyang pamilya. “Before I lay me down to sleep... I am one blessed woman!!!! Today was truly GOLDEN!!!! SO MUCH LOVE!!!! Thank you to each and everyone who made it special. And there’s still so much love, wishes and prayers I have not read!!! Tom, again!!! Too much joy and celebration today!!!  Simple, intimate yet sooooo full!!!! Thank you God for the gift of LOVE!!!, suma pa sa IG post  sa aktres.

Nagkalig-on og samot

Kasamtangang nag-ipon sila si Jake Cuena ug Kylie Verzosa panahon sa quarantine. Gilikayan nila ang daghang drama sa kinabuhi aron magpabiling lig-on ang ilang relasyon. “Actually mas nag-strengthen yung relationship namin through everything sa totoo lang. Sa akin parang this was the time na although challenging kasi ang daming nangyayari, but this was also the time na siya lang talaga yung iniisip ko,” suma pa ni Jake.

Namaligya og chorizo

Samtang naka-home quarantine, gisudlan ni Sitti Navaroo ang gamay nga negosyo. Namaligya ang singer og chorizo. Wala damha ni Sitti nga mauyonan sa iyang mga silingan ang iyang baligya.

Go Xian!

Bisan layo sa usag-usa tungod sa quarantine, dili gyud sipyaton ni Xian Lim ang pagpangumusta  sa iyang uyab nga si Kim Chiu. Usa si Xian sa kanunay nga modepensa kang Kim sa higayon nga atakehon kini sa iyang bashers.