Makahuloganon nga birthday celebration

CEBU, Philippines — Gawas sa simple nga  selebrasyon  ni Kathryn Bernardo sa iyang 24th birthday sa miaging adlaw, nahimong makahuloganon ang pagsaulog niya sa maong espesyal nga okasyon gumikan kay nihatag kini og hinabang sa komunidad.

Nagpadala kini og relief goods sa unom ka mga barangay sa Quezon City.

Suma pa ni Kathryn nga iyaha ra nga gipaambit sa iyang isigkatawo ang mga grasya nga iyang nadawat partikular na ang  maayo nga dagan sa iyang career.

Nagpadala usab siya og mga pagkaon ug medical supplies alang sa frontliners sa San Lazaro Hospital, Philippine Heart Center, Chinese General Hospital, Perpetual Help Medical Center, San Lazaro Hospital, Quezon City General Hospital ug Rosario Maclang Bautista Hospital.

Toni gipalaw ang basher

Kalmadong gitubag ni Toni  Gonzaga ang iyang basher nga niakusar kaniya nga matud pa wala  siya’y natabang sa iyang isigkatawo sa  kasamtangan nga krisis.

Ang maong basher nikumparar kang Toni ngadto sa igsoun niini nga si Alex nga matud pa duna gyu’y natabang.

“T*** i**  toni puro ka ganyan wala kami nababalitaan na tumulong ka na sa mga nangangailangan puro si alex lang marunong tumulong sa kapwa,” suma pa sa maing basher.

Nidugang usab ang maong basher nga nag-enjoy lang gyud si Toni sa iyang kinabuhi isip artista.

“Pinayaman ka ng taong bayan sa pag suporta sayo matuto ka magbalik palibhasa nakahiga ka sa pera nakakain ka ng masarap nakakatulog ka ng mahimbing mga kapwa mo pilipino kahit kailan wala ka tulong mahiya ka proud ka pa ipakita sa Instagram mo na kumakain ka ng masarap habang maraming namamatay na pilipino t*** i** wala ka silbi”, suma pa niini.

Apan wala kapanukod ang maong basher gumikan kay napalaw kini sa simple nga tubag ni Toni.

“So much hate in your heart. I hope the lockdown will make (you)  reflect on how you speak to others,” tipik sa tubag ni Toni. Gitataw ni Toni nga wala niya gipublikar ang tanan niyang gibuhat. Dili matud pa niya isibya sa kadaghanan ang mga tabang nga iyang nabuhat.

“I never broadcast the help we give. I don’t need your validation and praise for it. Some people can work and help in silence. Respect that,” dugang pa ni Toni.

Dunay pakapin nga pagpika si Toni sa iyang basher nga nagkanayon,”After washing your hands today wash your mouth also. It badly needs it.”

Baby Girl

Malipayong gipahibalo nin Katy Perry nga babaye ang umaabot nga anak nila ni Orlando Bloom.

Gianunsyo kini ni Katy pinaagi sa Instagram niadtong Sabado. It's a girl (heart emoji),” niya pa.

Una na nga gianunsyo sa singer ang iyang pagsabak kaniadto pinaagi sa iyang bag-ong music video sa awit niya nga “Never Worn White”. 

“All music: Artists at home sessions”

Mag-uban ang  mga singer ug banda sa  “All Music: Artists at Home Sessions” usa ka online daily concert series nga nagtinguha nga makahipos og dugang  donasyon alang sa “Pantawid ng Pag-ibig” campaign.

Dul-an sa  60 ka artists ang modalit  og libreng musical performances, 8pm matag gabii pinaagi sa  Facebook ug YouTube pages sa Star Music, MYX, MOR 101.9, One Music PH, TFC, ug  iWant. Gisugdan na kini sa miaging gabii nila ni  “Asia’s Nightingale” Lani Misalucha, DJ/singer Ana Ramsey, Jake Zyrus, Zephanie, Ianna Dela Torre, ug Jayda .

Ni-perform usab sila si Miguel Odron, JMKO, Kakai  Bautista kasama,  Janine Berdin, Ryle Santiago , Kyle Echarri, KD Estrada, ug Sam Mangubat .  Gikatakdang mo-perform sa umaabot nga episodesa sa  All Music: Artists at Home Sessions” mao sila si Angeline Quinto, Dingdong Avanzado, Erik Santos, Jamie Rivera, Jessa Zaragoza, Inigo Pascual, Kiana Valenciano, Moophs, Morissette, ug uban pa nga Kapamilya artists.

Dili pa lang dugay, nag-uban ang  Kapamilya singers  sa pag-awit sa  “Ililigtas Ka Niya,” kung diin ang makuhang royalties gikan  sa recording sa kanta idonar gihapon sa “Pantawid ng Pag-ibig” program.