Maja is back!

CEBU, Philippines — Gipasalida og balik sa ABS-CBN ang duha ka mga serye nga gibidahan ni Kapamilya actress Maja Salvador nga nitatak gyud sa pinoy viewers. Gisugdan  sukad kagahapon sa  Kapamilya Gold ang 'The Legal Wife' diin gidala ni Maja ang karakter ni Nicole Esquivel. Makita na sab sa Primetime Bida ang kanunay'ng trending sa social media kaniadto nga serye ni Maja nga Wildflower diin gidala niya ang karakter ni Ivy Aguas/Lily Cruz.

Andam motabang

Kanunay nga andam ang  Kapamilya hunk actor nga si Ejay Falcon kun  ugaling ipatawag siya Air Force aron  himoong frontliner  sa kampanya batok sa COVID-19. Usa ka reservist sa Air Force si Ejay.“Alam po ng mga kasamahan ko sa Air Force na palagi ako andito para sa ganung bagay, at napag-uusapan na po yan. May inaayos lang po para sa go signal from our commanders,” butyag pa ni Ejay.

Wala'y sintomas

Giasoy sa aktres nga si Sunshine Cruz nga wala siya'y nabatyagan nga symptoms sa COVID-19 samtang nagpahigayon og self- quarantine human nagpositibo ang kauban niyang actor nga si Christopher de Leon sa ABS-CBN series nga Love Thy Woman. “We are all okay naman so far. Self-quarantine lahat. Pinalalakas ko nalang ang katawan ko by sleeping well, eating healthy, and pinapalakas ang immune system pati ng mga bata,"paambit pa nj Sunshine ngadto sa press pinaaginsa Facebook messenger.

Throwback photo

Nag-post og throwback photos sa Instagram ang Kapamilya actress nga si Julia Montes kauban ang aktor nga si Coco Martin nga kuha  sa  gibidahan nilang serye kaniadto nga Walang Hanggan. Gibuhat kini sa aktres human kini  gibalik og pasalida sa ABS-CBN .

Nagpatabang og ampo

Nanawagan og  pag-ampo ang aktres nga si Alessandra De Rossi alang  sa iyang pamilya nga tua karon Italy nga usa sa mga nasud nga daghan og kaso sa COVID-19.“#prayforitaly hirap malayo sa pamilya. Nakakabaliw. Please help me pray for Italy. Lord, please keep everybody safe. Salamat sa lahat ng may oras magpray with me! Much appreciated,” post pa niini sa Instagram.

Nakatabang na

Gipanghatag na ni Sarah Lahbati ang mga pagkaon ug ubang supplies ngadto sa COVID-19 frontliners ug public utility vehicle (PUV) drivers . Nakadawat si Sarah og  P200,000 nga donasyon. "First batch of supplies were delivered today. Gallons of all purpose cleaning sanitizers for hospitals. Canned goods para sa mga drivers. Will continue distributing tomorrow. Thank you all for the help and donations," post pa niini.

Ni-cheer up sa contenstant

Nipalig-on sa kaugalingon sa American Idol’ contestant Francisco Martin ang judge nga si Katy Perry human nasayop sa iyang performance ang nahiuna  samtang gikanta ang “Hold Back The River” ni James Bay. “Francisco, if you make a mistake, if you forget the words, it’s okay. We do it all the time. Just don’t give up and don’t show defeat. You can go backstage and kick a trashcan if you need to, but don’t let the audience know,”sigon pa ni Katy Perry.

Mihangyo sa mga artista

Nangayo og tabang ang aktor nga si Richard Quan ngadto sa mga kauban niyang artista nga tabangan siya sa gipasiugdahan niining relief operation alang sa mga  naglisod nga mga Pilipino nga naapektuhan sa community quarantine tungod sa COVID-19. “Sa mga kapwa ko artista… celebrity, if you can find time. Kahit iyong simpleng pag-post lang na hikayatin ang mga kababayan nating tumulong in whatever capacity they can, malaking-malaking bagay na po iyon,"hangyo pa ni Richard.

Nag-duet ang magtiayon

Nag-duet ang celebrity couple nga silang Sarah Geronimo ug Matteo Guidicelli sa kantang "You Are The Reason" atol sa gihimong ABS-CBN's digital concert nga nag-ulohan o Pantawid ng Pag-ibig: At-Home Together Concert. Gibuhat ang performance sa matag artista sa nagkadaiya nilang lugar. Tungod niini, nakakuha  sila og P236M nga hinabang gikan sa matinabangon nga mga Kapamilya viewers. Gamiton kini alang sa mga panginahanglonon  sa  mga naapektohan sa coronavirus.

Nataypan si Jun Ji-hyun

Gibutyag sa creator sa Netflix zombie series ‘Kingdom’ nga si Kim Eun-Hee nga gipaglantawan niya karon ang Legend of The Blue Sea star Jun Ji-hyun nga mao iyang padalhon sa lead role sa upcoming Season 3 sa iyang hit digital series.“I think Jun Ji-hyun will become a central role alongside the main characters from season one and two,”sigon pa niini.