Ivana, mo-click kaha sa telebisyon?

Sanden: Maayong adlaw mga Kabanatanay, ingon man usab sa akong mga beshie ,nga grabe ka busy karong panahona. Pabiling naglawig karon sa social media ang pangalan ni Ivana Alawi gumikan kay gawas sa iyang pagka-sexy , gikahinaman usab sa iyang fans ang umaabot niya nga Kapamilya series nga “Ang Lihim Ni Ligaya”.  Suma pa nga kun unsa ka sexy si Ivana sa iyang mga post sa sa social media , mao usab kini ang usa sa mga highlights sa maong teleserye. Nagkalain-laing reaksyon sa katawhan , ang  uban kay best in react kay hilaw daw moarte si Ivana, base sa nangagi niya nga acting projects kun diin kutob lang siya  sa supporting roles kaniadto, apan ang iyang supporters nipadayag nga dili dayon hukman ang ilang idolo sanglit gipaubos man kini karon og workshop.

Yuri: Helllooooo! BANATanay na usab! Unang Martes sa bulan sa Marso mao nga init akong ulo kay fire prevention month. Hahahahaha! Ivana Alawi???? Ahhhh ang babaye nga sige’g pa -sexy sa social media tungod sa ka-sexy , nag -trending? Unya karun naay teleserye? Unsa ang iyang buhaton? Magpa sexy usab? Alangan mag -heavy acting? Unsa ang labanan? Sexyhay lang? Ayaw ko’g gemmahe nga maayo siya moarte kay bisag sa vlog niya nga mag - acting acting kunuhay like prank, way lamiiii. I will stop the video kay wala gyu’y lami , pweeee ra gaba! According to Sanden , supporting role lang siya  kaniadto dahil aanhin mo ang magandang mukha kung waley ang talent sa acting.Busa pagtarong sa workshop girl , basin maluwas pa imong career.

Jaypee: Olah! Happy Tuesday! Nagpanikad na gyud ko'ng mopaambit sa akong baruganan kalabut niining pagsud sa hingpit ni Ivana sa ABS-CBN. For sure, mag -trending gyud ni sama ka trending sa iyang  mga vlog. Clap clap clap ko sa ABS kay kahibalo gyud pod sila, mo -adopt dayun sa trend sa nasud. Nakabantay  man sila nga in-na-in na kaayo ang social media influencers maong ni- adopt dayun sila sa maong kabag-ohan. Dili nga daghan gyud ang nagsunod aning Ivana sa social media. Sa iyang YouTube Channel palang daan , duna na siya’y  dul-an ka five million followers . Sa akong tan-aw , makumbinse  pod na niya sa show niya sa ABS. Pak na pak gyud ang ABS ani. Kanang imong gipangyawit beshie Yuri  nga dili kaayo kahibalo  moarte, makat-onan  raman na. Sauna kay supporting role ra iyaha, maong wala kaayo siya naka- focus sa iyang acting skills. Unya karon kay lead role naman gyud siya, for sure, nibuhos na gyud ni og igong puhunan ang ABS sa iyang pag -arte. Shut up nalang ka Yuri kay bisag unsaon, dili gyud  ka gwapa ug labaw na nga dili ka sexy.

Sanden: Agoroy , bugno sila manananggal ug aswang ,haha. Naglalis baya ang duha nga dili mga sexy.  Hinuon pud nu, duna mo’y tagsa-tagsa nga mga punto. Sa akoa lang , OA rapud baya ang mga pa-cute cute  ni Ivana sa iyang vlog , apan wala nagpasabot nga hukman dayon nako  ang umaabot niya nga acting project.Kun OA siya sa vlog , basin diay nga lami siya og og performance sa telebisyon.  Puwede ato na atngan mga beshie . Sa akong naduggan, sigurado magsiga-siga ang mga mata sa mga lalaking mo-watch sa Ang Lihim ni Ligaya.

Yuri: Oh my  Jaypee! First , kuwang ka sa workshops,  what is beautiful? What is sexy? Mao diay naning ka’g padaot kay mao na imong definition of sexy. Dili taka ma -blame but please lang ,dili ta manigurado nga mapasok sa jar ang imong Ivana. How sad, gumastos sila kay sexy ka? Unya mag -fiesta ang  boys tungod sa imong lawas?Kaluoy pud . For now, wish nako nga dili lang siya kutob sa pagpa-sexy , kinahanglan duna pud siya’y  ikabuga sa acting. Naa kay point Sanden, ang hilaw nga saging mahinog man gyud na ,ayaw lang sigeg kumot kay malata unya.

Jaypee: Hoy Sanden ,unsay  naka-OA  sa Vlog ni Ivana? Dili man siya OA. Ikaw ang oa kay dili  ka gwapa, pareho mong Yuri. Unsay workshop Yuri? I -workshop diay nang paguwapahay? Omg! Asa nasad na gibutang imong utok intawn?. Mo -invest kaha ang ABS -CBN kun wala siyay ikabuga? Intawn uy, samot kalabad akong head nimo. Insecure lang gyud mong duha sa sama namong mga gwapa. Pambihira, wala man gyud mo kasuway og kagwapa. Maong kung makasaway mong Ivanna , wagas. Pwede ba? Wala pa tawn siya magsugod uy, unya nalang siya i -judge . Ganahan mo o dili,  ang iyang ka-sexy ang  giapas sa ubang viewers  ilabi na sa mga kalalakin-an, pa -spice-up sa ilang mga adlaw. Kamo, mga ngil -ad man gyud mo. So wala mo’y  katungod maghinilas, bye!

Kumpirmadong nagbuwag

Gikumpirmar sa actor-model nga si  Daniel Matsunaga nga nagbuwag na sila sa iyang Polish girlfriend nga si Karolina Pisarek.

Nasayran nga nilungtad og duha ka tuig ang ilang relasyon.

Wala hinoun niya gidetalye ang rason sa ilang breakup. Nitumaw hinoun ang hungihong nga dunay third party sa ilang panagbuwag.

Giplastada na sa IG

Human sa taod-taod na nga relasyon , naka-post na gyud si Ruru Madrid sa Instagram og sweet nga hulagway nila sa iyang girlfriend nga si Bianca Umali.

Kahinumdoman nga todo tago sila si Ruru ug Bianca sa ilang relasyon kaniadto apan naklaro ra kini gumikan sa ilang mga lihok.

Gisaulog ni Bianca ang iyang birthday dili pa lang dugay.

"Happy birthday moonlight," simple nga caption ni Ruru sa maong hulagway.

Dunay laing gi-post nga hulagway si Ruru kun diin nag-holding hands sila  apan iya kining gipapas ug nag-upload og laing sweet photo. —Sanden J. Anadia

Anne, nanganak na!

Gihimugso na kagahapon  sa aktres nga si Anne Curtis ang unang liwat nila ni Erwann Heussaff.

Babaye ang una nila nga anak ug gihimugso kini didto sa Australia.

Kahinumdoman nga taod-taod na nga nipahuway si Anne sa It’s Showtime aron matutokan ang iyang pagsabak.(Sanden J. Anadia)

Official entries sa Summer MMFF 2020 gianunsyo na!

Gianunsyo na kagahapon ang  official  entries sa Summer Metro Manila Film Festival 2020   nga mosikad na karong April 11-21 ,2020. Walo ka official entries ang gipili gikan sa 24 ka mga pelikula nga  gipangsumiter.

Base sa namantala sa PEP, ang criteria sa pagpili niini naglangkob sa   Artistic excellence (40%), Commercial appeal (40%), Filipino cultural sensibility (10%) , ug Global appeal (10%).

Mao kini ang  8 official entries sa Summer MMFF 2020 :

1. A HARD DAY (Viva Films)  ni Law Fajardo . Pagabitoonan kini nila ni Dingdong Dantes, John Arcilla, Janno Gibbs, Al Tantay, ug Meg Imperial .

2. TAGPUAN (Alternative Visions) ni Mac Alejandre . Pagabitoonan kini nila ni Alfred Vargas, Iza Calzado, ug Shaina Magdayao.

3. LOVE THE WAY U LIE (Ten17p) ni RC Delos Reyes . Mga bida niini mao sila si Xian Lim ug  Alex Gonzaga.

4. ISA PANG BAHAGHARI (Heaven’s Best Entertainment) ni Joel Lamangan . Pagabidahan kini nila ni Nora Aunor, Phillip Salvador, Michael De Mesa, Zanjoe Marudo, Joseph Marco, ug Sanya Lopez.

5. THE MISSING (Regal Entertainment) ni Easy Ferrer .Langkoban kini nila ni Joseph Marco, Ritz Azul, ug Miles Ocampo.

6. LOVE OR MONEY (Star Cinema) ni Mae Cruz-Alviar . Sila si Coco Martin ug Angelica Panganiban ang mga bida niini.

7. NGAYON KAYA (T-Rex Entertainment) ni Prime Cruz . Mga bida niini sila si Paulo Avelino ug Janine Gutierrez.

8. COMING HOME (Maverick Films, ALV Films) ni Adolfo Borinaga Alix Jr.  Pagabitoonan kini nila ni Jinggoy Estrada, Sylvia Sanchez, Martin Del Rosario, Ara Arida, Jake Ejercito, ug Edgar Allan Guzman.

Giatngan ang tubag

Giatngan ang tubag ni Angelica Panganiban kalabot sa gisaysay sa ex-boyfriend niini nga si Carlo Aquino kun diin gitingoha niini nga mahigala og balik ang aktres.  Kahinumdoman nga nagtoo ang publiko kaniadto nga magkauyab sila og balik apan napalaw  ra kini human nakauyab si Carlo og modelo.

Pabiling gihangop

Giangkon sa rapper nga si Gloc 9 nga medyo nakulbaan siya kaniadto sa dihang gi-release ang hit song  niya nga “Sirena"   gumikan sa posibleng reaksyon sa LGBT community.  Nahuwasan na ang rapper gumikan sa init nga paghangop sa publiko sa maong awit.

Panghinaot ni Alex

Nanghinaot si Alex Diaz nga mahunom na unta ang isyu nga nag-link sa iyang pangalan ngadto sa aktor nga si Tony Labrusca.Kahinumdoman nga taod-taod na ang tsismis nga matud pa dunay kagahpon ang duha.

Balay ni Mommy D

Sa latest vlog ni Jinkee Pacquaio, gipakita ni Mommy Dionisia Pacquaio ang iyang balay sa General Santos City.  Sa maong lugar nagdako ang Pambansang Kamao nga si Manny Pacquaio.

Saksi sa panaghigugmaay

Usa si Erik Santos sa soud nga higala ni Sarah Geronimo busa puwerti niyang lipaya sa dihang gikasal ang singer ngadto sa aktor nga si Mateo Guidicelli . Suma pa ni Erik nga nakasaksi gyud siya  kun unsa ka lig-on ang relasyon nila ni Sarah ug Matteo.

Dili lalim

Suma pa ni Regine Velasquez nga dili lalim nga dungan sila mawad-an og trabaho sa iyang bana nga si Ogie Alcasid. Una na nga nanawagan ang magtiayon nga nga i-renew ang ABS-CBN.

Puros gihigugma

Tsika pa ni Ara Mina nga puros niya nga gihigugma ang ABS-CBN ug GMA-7 gumikan kay puros siya nakatrabaho sa mga  nahisgotang istasyon. Kasamtangang nalakip ang aktres sa teleserye ni Coco Martin nga Ang Probinsyano.

Proud sa anak

Gipasigarbo og maayo ni  Karla Estrada ang anak niya nga si  Jose Carlito "JC" Padilla nga nag-release dili pa lang dugay sa iyang awit.”As a momshie I am very, very proud dahil eto na ang aking very talented son Jose Carlito with his band," saysay pa ni Karla sa programa niya Magandang Buhay.

Tugtan na?

Gipahinungod ni  Ylona Garcia ngadto sa iyang apohan  ang engrande niya nga pagsaulog sa  iyang  18th birthday dili pa lang dugay.Aminado ang aktres nga  naa na siya sa saktong edad aron mosugot kun dunay  lalaki nga makig-date kaniya.

Nikaon og balot

Naukyab sa miaging gabii ang pipila ka mga tawo sa Barangay Guadalupe  human nila nakit-an sa dalan si John Lloyd Cruz nga nagkaon og balot ug nagtagay og beer. Malipayon kaayo ang balot vendor gumikan kay nakapahulagway gyud siya kauban ang aktor .

Mga kontrabida

Sila si Arjo Atayde ug Cindy Miranda ang mga kontrabida sa kinabuhi ni Matteo Guidicelli sa bag-ong movie adaptation sa Pedro Penduko. Nasayran nga anam-hanap na nga  gisugdan ang preparasyon sa maong movie project.

Nagpasalamat kang ate

Gipaagi ni Claudine Barretto sa Instagram  post ang pagpadayag niya sa iyang pasalamat ngadto sa iyang igsoun nga si  Gretchen Barretto gumikan kay naa ra gyud kini sa iyang kiliran sa dihang nakasugat siya og mga pagsulay.” “I just want to honor my ate for wanting and helping me be the best version of myself. I've been feeling down lately and depression is starting. My ate always knows what to do and what to say and I am blessed. Thank you will never be enough. I love you @gretchenbarretto,” suma pa sa IG post ni Claudine.