Mosuway og lain

CEBU, Philippines — Giasoy ni Kapuso actor Alden Richards nga ganahan siya mobuhat og more challenging acting roles karon ug dili lang sama sa naandan niyang roles sa telebisyon. Kasamtangan nga bida karon si Alden sa GMA-7 series nga The Gift nga gikatakdang matapos duha ka semana gikan karon. Gikatakda sab kining mo-host sa upcoming reality singing competition sa GMA-7 nga Centerstage.

Happy sa friend

Gibutyag ni Kapuso hunk actor Tom Rodriguez nga sukad pa kaniadto, "couple goals peg" na gyud niya ang Love of My Life co-star nga si Mikael Daez. Busa nalipay gyud siya nga gipakaslan na gyud ni Mikael ang long-time girlfriend niini nga si Megan Young. Kahinumduman nga kaduha gikasal si Mikael ug Megan. Una, niadtong Enero 10 didto sa Caleruega Church sa Batangas ug ikaduha niadtong Enero 25 didto sa San Rafael Chapel sa Subic.

Midetalyi sa kasal

Gipaambit sa singer nga si KZ Tandingan ang detalye sa plano nilang pagpakasal sa fiancé nga si TJ Monterde human na-engaged niadtong Disyembre 30 niaging tuig."Medyo nag-isip na kami kung sinu-sino ang i-invite namin, kung saan kami magpapakasal, but definitely, this year sana kasal na kami. Definitely din dito sa Pilipinas,"asoy pa niini.

Midayeg ni Kate

Gidayeg ni Barbie Forteza ang Anak Ni Waray vs. Anak Ni Biday co-star nga si Kate Valdez  sa pagkapropesyunal niini sa iyang trabaho isip aktres. “Nakikita ko sa kanya na parang gustung-gusto niya talagang matuto. Palatanong siya sa akin, kay direk, kung ano yung mas makakabuti sa eksena, ganyan,"sigon pa sa Kapuso primetime princess.

Break sa pag-direk

Gibutyag sa Kapamilya actor Xian Lim nga nipahuway una siya sa pag-direk og mga pelikula karon aron magpokos una sa pag-arte. Nagsunod-sunod  ang mga pelikula karon ni Xian ubos  sa Viva Films. Gikatakda na nga ipasalida karong Pebrero 19 ang pelikulang “Untrue” nila ni Cristine Reyes ug magpares sab sila ni Ryza Cenon sa upcoming film nga  “Sa Muli”.

Mipasalamat sa followers

Gikalipay sa aktres nga si Sofia Pablo ang pag-abot og 1 million sa iyang TikTok followers busa isip pasalamat, ni-upload kini sa iyang dance video sa Instagram nga aduna'y 100,000 views na karon. Taliwala sa iyang kabusy sa trabaho sa showbiz, mangita gyud matod pa og oras ang 13 anyos nga star para sa iyang pagtuon ug pagbuhat og TikTok videos.

Boto si Maja

Nakauyon matod pa si Maja Salvador sa panagpares nilang Joshua Garcia ug Janella Salvador tungod sa chemistry sa duha. Nagkauban silang tulo sa teleseryeng The Killer Bride sa ABS-CBN Primetime Bida. "[Boto ako as a] love team dahil parehas may chemistry. So parang di ba talagang parang ano sila ni Joshua," sigon pa ni Maja.

Spotted sa mga fans

Nagkagubot sa online world ang pinoy K-Pop fans human nikatap sa social media ang hulagway nilang Uee sa After School ug Yunhyeong sa iKON nga nahimong flight attendants sa usa ka local airline. Nagduda ang mga fans nga kalabot kini sa upcoming shows sa duha.

Mao diay

Gibutyag sa aktres nga si Julia Barretto ang rason nganong niundang na siya og post sa Instagram mahitungod sa personal niyang kinabuhi. "I don't want to share so much of my private life and relationships anymore because the less people know, the less they can have an opinion on something,"sigon pa sa Kapamilya actress.

Tuloman ni Ronnie

Gisaulog sa singer ug piloto nga si Ronnie Liang ang iyang adlaw'ng natawhan uban sa mga bata nga aduna'y cancer didto sa Philippine  Children's Medical Center. Mapasalamaton si Ronnie sa tanang blessings nga nadawat karong tuiga. Mao kini ang ika-12 ka tuig na niyang pagsaulog sa adlaw'ng natawhan nga kauban ang mga bata nga aduna'y cancer.

Thankful ni Erich

Nagpasalamat ang aktor nga si MJ Cayabyab ngadto kang Erich Gonzales human siya gi-recommend niini nga mahimong parte sa umaabot nga serye sa Kapamilya network nga  Love Thy Woman nga pagkabidahan nilang Kim Chiu, Xian Lim ug Yam Concepcion. Kahinumduman nga si Erich unta ang orihinal nga mobida niining maong serye  apan niatras kini sa maong proyekto.