Milihok dayon

CEBU, Philippines – Usa si Matteo Guidicelli sa mga nangulo sa Army relief operations sa usa ka evacuation center didto sa Barangay Poblacion 3 sa Santo Tomas sa miaging adlaw.Ang maong dapit maoy giistaran sa pipila ka mga tawo nga naapektohan sa pagbuto sa bulkang Taal.

Hapit na gyud

Nagpanikad na gyud og maayo si Andrea Brillantes sa hapit na nga mahuman nga konstruksyon sa iyang dream house. Giingong resulta kini sa iyang pagkugi sa showbiz. Kasamtangang naglawig ang pangalan ni Andrea gumikan sa teleseryeng Kadenang Ginto.

Laban lang

Trending karon sa social media ang usa ka pamilya nga naapektohan sa kalamidad sa Taal kun diin nisabay gihapon kini sa Tala dance challenge bisan paman sa mga pagsulay nga ilang nahiagoman. Nakadawat kini og mga positibong komento gumikan kay nagpaila lang kini nga kahibalo gihapon mopahiyom ang mga Pinoy bisan paman sa mga pagsulay nga giatubang niini.

Bisan sa ka-busy

Bisan pa man sa ka-busy ni Ylona Garcia sa showbiz, gipaneguro gyud niya nga makahuman siya sa pagtungha. Sa higayon nga makatungtong na siya sa kolehiyo, plano niya nga mokuha og kursong Psychology.

Gi-Expose sa pagtabang

Nigahin gyud og oras ang magtiayong Jason Francisco ug Melai Cantiveros kauban ang ilang mga anak sa pagputos og relief goods alang sa Taal evacuees. Samtang bata pa, ilahang gi-expose ang ilang mga anak sa pagtabang sa ilang isigkatawo.

Nataypan dayon

Upat ka adlaw ang nilabay human kini gi-upload, nakalangkat dayon og 1.4 million views sa YouTube ang music video sa awit sa grupong SB19 nga Alab. Nasayran nga gihangop dayon sa publiko ang maong awit sukad sa pag-release niini.

Wala maka-audition

Napakyas si Mark Bautista sa pag-audition sa role nga Aladdin sa Broadway. Nagmalaumon hinoun si Mark nga makasalmot ra siya puhon sa maong play.

Lami og career

Mahayagon gyud ang 2020 ni Yam Concepcion gumikan sa pagpusot-pusot sa iyang mga proyekto. Sa labing unang higayon, makasuway siya og horror film pinaagi sa upcoming movie sa Viva nga Nightshift.Nalakip usab siya sa bag-ong teleserye sa ABS-CBN nga Love Thy Woman.

Natuman na gyud

Natuman na gyud ang pangandoy ni  Ella Cruz nga makasayaw atubangan sa paborito niya nga  K-pop group nga BLACKPINK. Nahitabo kini sa usa ka event didto sa Jakarta, Indonesia sa miaging adlaw.

Noah motikang sa nasud

Motikang dinhi sa Pilipinas sunod buwan  ang bitoon sa sequel sa  Netflix film  nga “To All The Boys I’ve Loved Before”    nga si Noah Centineo . Motambong ang Hollywood heartthrob sa  kalihokan sa usa ka local clothing brand.

Wedding anniversary

Gisaulog nila ni  Moira dela Torre ug  Jason Marvin Hernandez ang ilang  first wedding anniversary kagahapon , January 15. Sa Instagram post ni Moira, gihulagway niya ang iyang bana isip iyang “ “greatest blessing.” 

Indonesian remake sa KG gi-ere na!

Gisugdan na og ere   sa miaging semana ang Indonesian  remake sa Kapamilya afternoon  series   nga  Kadenang Ginto nga gibidahan nila ni Andrea Brillantes, Francine Diaz, Albert Martinez, Dimples Romana, ug  Beauty Gonzalez

Nag-ulohan kini og “Putri Mahkota”  nga gi-ere sa Indonesian television network  nga ANTV.

Ang maong Indonesian remake  gibitoonan nila ni Mayang Yudittia , Gunawan Sudradjat , Sylvia , Rama Michael, Johan Jehan ug  Jerry Likumahwa .

Mao kini ang labing una nga  Pinoy series nga gihimoan og remake sa ANTV.

Liza wala matandog sa tsismis

Wala’y plano  si Liza Soberano nga ikiha ang blogger nga matud pa  nagmugna og blind item  nga siya ang giigo  kun diin gipalabas nga nagsabak siya og nagpakuha sa laing nasud.

Wala ra mahasol si Liza sa maong tsismis gumikan kay nasayod siya nga wala kini kamatouran.

Kahinumdoman nga nitikang  si Liza sa US alang sa operasyon sa iyang tudlo.

“I’m not going to ruin someone’s life just because they decided to make a silly rumor about me. I said I think it’s bad enough for him already that he got a taste of his own medicine and everyone got mad at him,” tubag pa ni Liza atol sa interview niya sa programang Tonight With Boy Abunda.

Lloydie ug Shaina mag-uban sa pelikula

Subling mag-uban sa usa ka proyekto  ang kanhi mag-uyab nga sila si John Lloyd Cruz ug Shaina Magdayao pinaagi sa  upcoming movie   ubos sa ABS-CBN Films.

Sa gipakita nga video sa ABS-CBN sa ilang “Sama-Sama Tayo sa 2020”,  nilugwa ang teaser sa proyekto nila nga  Servando Magdamag.

Magsilbi kini  nga  major  movie comeback ni John Lloyd sukad siya nipahuway sa showbiz  niadtong  2017.

Kahinumdoman nga nakabaton usab siya og  cameo sa pelikula sa  Metro Manila Film Festival  2019 nga Culion.

Vanessa ug Austin nagbuwag

Gikatahong nagbuwag na ang Hollywood couple nga sila si Vanessa Hudgens ug Austin Butler . Nasayran nga niabot og walo ka tuig ang ilang relasyon . Hagbay ra nga  nabantayan sa ilang followers nga wala na sila mag-post og sweet photos sa social media.

Wala pa masuta  ang rason sa ilang panagbuwag.