Sofia nagpakahilom
CEBU, Philippines — Pabiling tak-om si Sofia Andres sa isyu nga matud pa nagsabak kini. Nikatap karon ang tsika nga nilarga sa Europe ang aktres gumikan kay duna kini gitagoan. Giubanan matud pa si Sofia sa iyang inahan sa paglarga sa maong dapit.
Ma-kontrol ra
Tsika pa ni Louise delos Reyes nga ma-kontrol gyud nila sa iyang non-showbiz nga uyab aron dili siya momabdos. Nakatabang matud pa niini ang ilang pag-ipon sa usa ka panimalay. “I think ‘pag live-in, mas nalo-lower ‘yung chance na mas maging gigil kayo sa isa’t isa kasi magkasama na kayo,” suma pa ni Louise
Todo tigom
Nagtigom og maayo ang aktor nga si Mon Confiado . Target ni Mon nga maka-produce og pelikula. Wala pa niya gidetalye kun kanus-a niya buhaton ang maong plano.
Misulod sa showbiz
Nalakip sa bag-ong show sa GMA nga All Out Sunday ang anak ni Manila Mayor Isko Moreno nga si JD Domagoso. Taod-taod na nga gustong mag-artista ang anak ni Isko.
Manilennials
Laing dark comedy original series ang molugwa sa iWant . Nag-ulohan kini og Manilennials kung nga mopakita sa mga challenge ug social issues nga natagamtaman sa millennials.Malakip sa maong proyekto sila si Fifth Solomon isip Kiko, Chai Fonacier isip Yeye, Nicco Manalo isip Art, Mela Habijan isip Ruth ug Ria Atayde isip Missy .
Nagbalik
Tsika pa ni Jomari Yllana nga ang panaghigugmaay nila ni Priscilla Almeda maoy katapusan nga relasyon nga iyang sudlan. Malipayon na sila sa usag-usa sukad sila nagbalik. Wala nila damha nga magbalik sila sukad sa katapusan nila nga breakup duha ka dekada na ang nilabay.
Tala mikisaw
Wala nagpaulahi si KaladKaren sa pagsayaw og “Tala” ni Sarah Geronimo.Sa Instagram, gipaambit ni KaladKaren ang video kun diin niapil siya sa dance challenge didtot sa London.Hapit matud pa siya nadakpan sa mga pulis gumikan kay sa sagbotan siya nisayaw.
Nagmugna og awit
Human nagmalampuson si Miss Universe 2018 Catriona Gray sa iyang gigama nga kanta. Laing Pinay beauty queen nga si Pia Wurtzbach ang nagmugna usab sa iyang kanta. Sagol English ug Bisaya ang maong awit ug nag-ulohan kini og “ PIA“
Gisurpresa sa fans
Nakadawat og birthday surprise si Elisse Joson gikan sa iyang fans niadtong Dominggo. Todo organize ang iyang fans sa maong party. . Una na nga gipadayag ni Elisse nga nag-enjoy ra siya sa iyang pagka-single karong panahona.
Best in vlog
Gisudlan na ni Andi Eigenmann ang pahimo og vlog. Sa iyang latest vlog, gipakita ni Andi ang kasikas sa iyang kinabuhi didto sa Siargao. Matud pa nga minilyon na ang viewers niini.
- Latest