Justin mokisaw og balik karong 2020

CEBU, Philippines — Malipayong gipahibalo ni Justin Bieber ngadto sa iyang fans  nga duna siya’y  umaabot nga mga proyekto karong 2020.

Gawas sa  iyang mga world tour,  duna pud siya’y  himoon nga “docuseries”.

“As humans we are imperfect. My past, my mistakes, all the things that I have been through. I believe that I am right where I’m supposed to be,” matud pa niya.

Adunay bag-ong album  ang singer ug  usa sa mga unod niini mao ang  single, niya “Yummy,” nga i-release karong January 3.

“I feel like this is different then the previous albums just because of where I’m at in my life,” suma pa ni Justin.

Markus milusad sa iyang  “best wishes”

Malipayong gipabuhagay  ni  Markus Paterson ang iyang  latest single  nga  “Best Wishes”   kun diin  nilutaw  ang iyang  makabihag nga tingog.

Gi-produce kini  sa  Tarsier Records nga nagtuki sa pagsagubang sa mga butang aron maka-move-on sa sakit kaayo nga break-up.

Kahinumdoman nga naka-release na usab kaniadto si Markus og mga kanta nga sama sa “WIWU,” “EASE,” “Tell Me,” ug  “Beautiful”

Nakatrabaho usab niya sa pipila niya ka mga kanta  sila si Inigo Pascual ug  Moophs featuring Kyler. Nalakip  si Markus sa labing una nga  Filipino Netflix Original film nga  “Dead Kids”.

Nagsugod  sa industriya  ang actor-singer sukad siya nahimong contestant sa  reality talent competition  nga “Pinoy Boyband Superstar” niadtong  2016. Gawas sa  “Dead Kids”, nalakip usab siya sa pelikulang   “Ang Babaeng Allergic saWiFi” sa miaging tuig.

Nakapalit og balay sa US

Nakapalit si Liza Soberano og kaugalingong balay sa  Amerika.  Suma pa sa aktres nga bunga kini sa iyang pagkugi sa showbiz  ingon man usab  sa iyang endorsements. “To all of my LizQuen and Liza supporters out there. Thank you for the unconditional love. Last but not least, thank you papa God. You have provided a home for me and the people most dearest to my heart. I will forever give you thanks and praise,” suma pa sa iyang IG post.

Nagpasalamat sa mga sundalo

Nibisita sa  kampo sa Philippine Navy ug Philippine Air Force ug  headquarters sa Armed Forces of the Philippines (AFP) ang pipila ka mga artista sa  ABS-CBN isip ilang pasalamat sa mga  sundalo nga nagprotektar  sa nasud. Nitambong sila si  Tirso Cruz III, Janice De Belen, Raymart Santiago, Pokwang, Gerald Anderson, Regine Velasquez, Coco Martin ug uban pa.

Wala katoo

Giangkon  sa TNT All-Star Grand Resbak’ champion nga si  Mark Michael Garcia nga wala gihapon siya katoo sa naabtan sa iyang singing career karon.   Nasayran nga nadugangan ang iyang mga raket sukad siya nisalmot sa maong kompetisyon.

Music video sa Pasko

Gihimoan ni  Darren Espanto  og music video  ang highlight sa pagsaulog niya sa Pasko kauban ang iyang pamilya.  Dili matud pa masukod ang iyang kalipay sa maong okasyon.

Nagpungasi nga gugma

Tsika pa ni  Ion Perez nga nagpa-tattoo siya  ug iyaha kining gidalit  ngadto sa iyang uyab nga si  Vice Ganda.  Nasayran nga nag-uros uros gyud ang ilang relasyon   ilabi na sa pipla ka segment sa It’s Showtime.

Suwerte sa 2019

Gihulagway ni Robi Domingo ang iyang  2019: nga mabungahon.  Nasayran  nga nagpusot-pusot ang mga proyekto ni Rob sa ABS-CBN. Parang ang suwerte suwerte ko’,” suma pa niya.

22nd wedding anniversary

Sa  usa ka  throwback picture sa Instagram gipaagi sa  aktres nga si Dawn Zulueta ang iyang pag-greet   sa iyang bana nga si Anton Lagdameo alang sa ilang  22nd wedding anniversary.  Dili na gyud mabangbang ang kalig-on sa ilang kaminyoon.

Mipaambit sa blessings

Naandan na gyud   ni Kim Chiu  nga mobisita sa Pampanga ug mopaambit sa iyang  blessings ngadto sa mga bata.  Puwerting lipaya sa  mga bata sa giapod-apod niya nga mga regalo.

Target ni Anne

Ganahan  ang aktres nga si Anne Curtis nga makabaton og  proyekto kauban ang iyang mga higala nga sila si  Bea Alonzo, Angelica Panganiban, ug Angel Locsin.