Mag-produce og dugang pelikula

CEBU, Philippines — Gipasigarbo pag-ayo ni Iza Calzado ang pelikula niya nga Culion nga  nahimong kabahin sa Metro Manila Film Festival 2019.Target ni  Iza nga mo-produce napud puhon og laing pelikula.   Gipaneguro sa aktres nga nagtangag gyud og nindot nga istorya ang maong pelikula.

Gitarong og balibad

Gitataw ni  Lyca Gairanod nga tarungon gyud niya og balibad ang iyang suitors aron dili kini tantong masakitan.   Una na nga gipadayag sa singer nga dili pa siya andam mosulod og seryosong relasyon gumikan kay prayoridad niya ang iyang pag-eskwela.

Naguba ang projector

Wala mahimout si Direk Brillante Mendoza sa usa ka sinehan sa miaging adlaw gumikan kay kalit lang naguba ang projector  ug naputol ang pagpasalida sa pelikula niya sa Metro Manila Film Festival 2019 nga Mindanao.  Si Judy Ann Santos ang usa sa mga bida sa maong pelikula.

Nag-date sa Intramuros

Nanglaag sa miaging gabii sa Instramuros sila si  Daniel Padilla ug  Kathryn Bernardo. Kalit-kalit matud pa ang maong daye “Went on an impromptu Intramuros date last night after our Christmas party because he wanted to show me what old Manila looks like at night, especially during the holiday season. Tried to look for bibingka too! Sayang ubos na :)),” tweet  pa ni Kathryn .

Bagay ra

Naliki og maayo ang fans ni  Angelica Panganiban sa dihang ni-post ang ilang idolo sa Instagram   nga matud pa nga duna gyu’y mga nagpasakit kaniya sa tuig 2019.   Bisan paman nga magpakahilom lang si Angelica, giingong usa sa nagpasikat kaniya karong tuiga mao si Carlo Qquino.

Gerald nagmalaumon

Nagmalaumon si  Gerald Anderson  nga  kagaton sa pulibko   ang upcoming series niya sa ABS-CBN nga A Soldier’s Heart. Kahinumdoman nga dugay na nga giplano ang maong teleserye apan sunod buwan  pa lang  kini mahatagan og timeslot.

Daghang regalo

Tsika pa ni Liza Soberano nga naandan na gyud niya nga mohatag og daghang regalo ngadto sa espesyal nga tawo sa iyang kinabuhi.    Ubay-ubay ka gift items ang ihatag niya sa iyang boyfriend nga si Enrique Gil.

Busy sa mga party

Nagbaha ang mga party nga gitambongan ni Sharon Cuneta karong panahona   ug malipayon siya gumikan kay  na-manage gyud niya ang iyang oras. Usa sa iyang gitambongan mao ang party nila ni Ogie Alcasid ug Regine Velasquez.

Baruganan ni Jasmine

Nakauyon ra si Jasmine Curtis-Smith sa sentimento   ni Janine Guttierez  nga wala kini kauyon sa pagbalik ni Sen.  Bong Revilla sa telebisyon.    Una na nga nigawas ang balita nga hatagan og TV project si Sen. Bong sa GMA-7.

Attitude problem?

Niulbo karon ang tsika nga matud pa dunay attitude problema ang  Kapuso young actress nga si Pauline Mendoza.   Wala pa motingog  si Pauline kalabot sa maong tsismis.