Daniel ug Charo mag-uban sa Yolanda movie
Cebu, Philippines — Mag-uban sa pelikula ang beteranang aktres nga si Charo Santos ug ang aktor nga si Daniel Padilla ug naghisgot kini sa kaagi sa pipila ka mga tawo sa panahon nga giigo sa Bagyong Yolanda ang nasud.
Ang maong movie project nag-ulohan og “Whether the Weather is Fine” ug wala gidetalye ang play date niini
Ang maong pelikula gipaluyohans a Dreamscape, iWant, Quantum Films, Black Sheep, ug Globe Studios. Malakip usab niini ang aktres nga si Francinne Rifol kinsa miyembro sa Filipina girl group nga MNL48.
Catriona magsuwat og libro
Suwayan napud sa beauty queen nga si Catriona Gray ang pagsuwat og libro ug kini nag-ulohan og “Conquering Your Universe”.
Nipirman si Catriona og kontrata sa ABS-CBN Books sa miaging adlaw. Gikatakdang i-release karong 2020 ang maong libro.
Sa maong libro, ipaabit ni Catriona ang mga butang nga iyang nakat-onan ,ingon man usab ang pagpaambit og mga maayong butang ngadto sa iyang isigkatawo.
Nitambong sa contract signing sila si Cornerstone Entertainment president Erickson Raymundo, CE vice president Jeffrey Vadillo, ABS-CBN Creative Programs president Ernie Lopez,ug ABS-CBN head of print publishing Mark Yambot.
- Latest
