Bea naglawig sa Asya
Nalakip ang pangalan ni Bea Alonzo sa listahan sa Hollywood publication nga Variety alang sa “Asian Stars: Up Next” nga gi-release niadtong Huwebes.
Ang International Film Festival and Awards Macao (IFFAM) ug Variety nanglista og walo ka mga personalidad nga gihulagway nila nga “Asian Rising Stars.”
Ang maong kalihokan modagan karong December 5-10, 2019.
Kauban usab ni Bea sa maong listahan ang sikat kaayo nga singer sa South Korea nga si Yoona kinsa miyembro sa K-pop group nga Girls’ Generation.
Samtang ang uban nga pasok sa listahan mao sila si Ryota Katayose sa Japan, Lien Binh Phat sa Vietnam, Asmara Abigail sa Indonesia, Bhumi Pednekar sa India, Praewa Suthamphong ug Jennis-Oprasert sa Thailand.
Kahinumdoman nga nalakip usab kaniadto sa “Asian Rising Stars” sila si
Piolo Pascual niadtoing 2017 ug Anne Curtis niadtong 2018.
- Latest