“Unbreakable” naka-P9.7 milyong sa unang adlaw
CEBU, Philippines — Malipayong gibuytag sa Star Cinema nga mikita og P9,716,024.55 ang unang adlaw sa pagpasalida sa pelikula nga “Unbreakable”.
Misikad ang maong pelikula niadtong Miyerkules, November 27 sa 220 ka mga sinehan sa nasud.
Gibitoonan ang maong pelikula nila ni Bea Alonzo, Angelica Panganiban, ug Richard Gutierrez.
Samantha mi-resign isip Bb. Pilipinas Grand International 2019
Sukwahi sa nigawas nga report nga gikuhaan og korona, nitumaw ang balita nga ni-resign gyud diay mismo si Samantha Ashley Lo took sa iyang pagka- Binibining Pilipinas Grand International 2019.
Nipadala matud pa og resignation letter si Samantha ngadto sa Binibining Pilipinas Charities Incorporated (BPCI) ug pormal kini nga gidawat niadtong Miyerkules.
Base sa suwat nga iyang gipadala, gipadayag ni Samantha nga gusto lang siya mosubay sa lahi na pud nga direksyon sa iyang kinabuhi.
Kahinumdoman nga nag-atubang og kontrobsersiya si Samantha kaniadto human kini nasangit sa airport sa Paris gumikan sa isyu sa visa niini.
Nipadayag kini kaniadto nga wala gyud siya kadawat og tabang sa BPCI.
Labing una nga Dyosa sa Lapu-Lapu
Ang pagpatigbabaw sa vision sa LGBTQI ingon man usab sa pag-protektar sa kalikopan maoy pipila lang sa gikampanya sa napili nga Dyosa ng Lapu-Lapu 2019 nga si Raniza Esguerra.
Makapila na nga higayon nga nakasalmot og mga indigay si Esguerra ug naabot na usab kini sa national level.
Ang ubang mananaog mao sila si Royce Aldrich (1st runner up, Amber Gamas Aying (2nd runner-up) Patricia Silawan Igot (3rd runner-up) , Alex Cassandra Delevingne (4th runner-up) Dar Singson (5th runner-up).
- Latest