Piolo-Claudine movie dili madayon?

CEBU, Philippines — Niulbo karon ang tsika nga matud pa dili madayon ang reunion movie nila ni Piolo Pascual ug Claudine Barretto.

“Let’s just wait and see,” tsika pa ni Piolo ngadto sa PEP.

Suma pa sa aktor nga dili siya makahatag og komento niini.

“I’m not in the position to say anything about that. It’s a very sensitive issue. Let’s just wait and see. We only have prayers to everyone,” dugang pa niya.

Nindot matud pa ang istorya sa maong pelikula busa magpaabot ra siya sa signal sa Star Cinema. Si Cathy Garcia-Molina ang direktor sa umaabot nila nga reunion project.

Katapusang nag-uban sila si Piolo ug Claudine sa pelikulang Milan.

Iñigo ni-perform sa  NBA Game

Ni-perform ang Pinoy  singer nga si     Iñigo Pascual  sa  half-time  spot sa  duwa sa  Los Angeles Clippers ug  Oklahoma City Thunders didto sa  Staples Center sa Los Angeles, California  dili pa lang dugay.

Isip pagsaulog sa  Filipino Heritage Night, ang Kapamilya star nikanta sa iyang  hit song nga  “Dahil Sa ‘Yo.  Gipadungog usab niya ang   iyang new single  nga “Catching Feelings,”  dungan sa paglusad  sa  music video niini.

Gi-shoot sa Pilipinas ang  music video sa “Catching Feelings.”

Anak ni Waray vs Anak ni Biday

Mosikad sa primetime television karong  2020 sa GMA-7 ang  remake sa  1984 film  nga “Anak ni Waray vs Anak ni Biday” .

Pagabidahan kini nila ni  Barbie Forteza ug Kate Valdez.

Malakip usab niini sila si Snooky Serna , Dina Bonnevie, Jay Manalo, Teresa Loyzaga, Celia Rodriguez, Migo Adecer ug Faith Da Silva.  

Alma mater

Human sa tulo ka  dekada, nibalik  si  Karla Estrada sa  Antique kun diin siya nag-tungha kaniadto. Gisugat  ang aktres og   engrandeng homecoming sa iyang  alma mater nga Antique National School (ANS) .  Giubanan  siya  sa mga kauban niya nga hosts sa  “Magandang Buhay” nga sila si  Jolina Magdangal ug Melai Cantiveros.“Grabe, hindi ako makapaniwala na nakabalik ako after 30 years. Kailanman ay hindi ko makakalimutan ang Antique, lalong-lalo na ang Antique National School. Dito ako nag-umpisa ng aking pangarap,” matud pa niya.

Normal lang

Tsika pa sa singer nga si Nyoy Volante nga na-feel gyud niya ang tensyon isip hurado sa ‘Tawag ng Tanghalan’ sa It’s Showtime. Dili matud pa malikayan nga makadawat siya og mga pagsaway sa ubang tawo   ug gipaneguro  niya nga dili siya magpaapektohan  niini.

Gigathan ni  Angeline

Wala kaantos  ang  Kapamilya singer nga  si Angeline Quinto ug gitubag gyud niya  ang pipila ka netizens nga nisaway sa iyang boobs. “Kung problema niyo po ang boobs ko, ‘wag niyo na pong pag aksayahan ng panahon dahil nasisiguro ko mas maraming bagay ang dapat pinagkakaabalahan ninyo sa personal niyong buhay kesa sa boobs ko. Tama po? Salamat po.” tubag pa sa  singer.

Nakauyon sa mga Pinoy

Nagmalampuson ang concert sa American boyband  nga Why Don’t We sa miaging gabii didto sa  New Frontier Theater.  Ang maong grupo gilangkoban nila ni  Zach Herron, Jack Avery, Daniel Seavey, Corbyn Besson,ug  Jonah Marais.  “We had a great show up on stage so we hope it’s the same for you guys. I really can’t wait to come back to the Philippines. You guys are so sweet,” suma pa sa usa sa miyembro niini nga si Jonah.

Khalil pasok sa Dead Kids

Nalakip ang singer nga si Khalil Ramos labing una nga Filipino Netflix original film  nga ‘Dead Kids’     Wala damha sa singer-actor nga malakip sa maong dako nga  proyekto sa Netflix.

Pinangga ni mommy

Gibutyag  ni Vilma Santos nga giisip na niya nga miyembro sa iyang pamilya ang aktres nga si  Jessy Mendiola.    Una na nga gipadayag ni Vilma nga suportado niya kanunay ang mga butang nga makapalipay sa iyang anak nga si Luis Manzano.

Lahi ra gyud!

Lahi ra gyud   ang na-feel ni  Sunshine Cruz sa dihang naabot sa iyang kinabuhi  ang  boyfriend  niya nga si Macky Mathay. Sa panahon nga  nanguyab pa kaniya si Macky,  nabatyagan dayon niya kun unsa kini ka sensiro kaniya  ug wala gyud siya nagmahay nga iyaha kining gisugot.

Klaro na

Gisaulog na matud pa nila ni  Bianca Manalo ug  Senator Sherwin Gatchalian ang anibersaryo sa ilang kasal dili pa lang dugay. Wala pa moangkon ang duha sa ilang  status apan tataw na kini sa ilang mga lihok.

Panghinaot ni Camille

Nagmalaumon  si Camille Prats nga makabaton og malipayong  love life ang higala niya nga si  Angelica Panganiban .    Matud pa niya nga usa ka maayong tawo si Angelica busa suwerte gyud ang mauyab niini.

Misaludo kang Coco

Misaludo   si  Leo Martinez sa pagka-propesyonal ni   Coco Martin  kun maghisgot og trabaho.   Kasamtangang  nalakip si Leo sa teleserye ni Coco nga  ‘Ang Probinsyano’ busa nakita gyud niya kun unsa ka maayo ang aktor.