Grand winner sa The Voice

CEBU, Philippines —  Ang pambato ni Sarah Geronimo nga si Vanjoss Bayaban maoy grand champion sa ikaupat nga  season sa  “The Voice Kids” niadtong Domingo sa Resorts World Manila. Giawit ni Vanjoss sa final round ang  “You Raise Me Up.”  Nakuha niya ang  62.11 % nga text ug online votes. “Impressive kang mang-aawit, pero this is the first time na pinaiyak mo ako,” mensahe pa ni Sarah ngadto kang Vanjoss.  

Gipasalida sa HBO

Gipasalida na sa HBO  ang pelikula ni Yul Servo nga  Food Lore: Island of Dreams kun diin kauban sa aktor sila si  Angeli Bayani ug Ina Fileo. “Maganda ‘yung pelikula,” hirit pa ni Yul.

Nagkalawom na ?

Niulbo ang tsika nga matud pa  nagkalawom na ang relasyon nila ni  Klea Pineda ug  Jeric Gonzales. Makadaghan na nga higayon nga nakit-an sila nga nagkuptanay sa ilang mga kamot samtang nanuroy.

Soud na ang inahan

Nasayran nga  soud na kaayo ni  Jessy Mendiola ang beteranang aktres nga si Vilma Santos, ang  inahan sa iyang uyab nga si Luis  Mazano.  Nasayran nga “momski” ang tawag ni Jessy kang Ate V.   Dili palang dugay, niuban si Jessy sa pagbakasyon sa pamilya ni Luis didto sa Taiwan.

Molugwa sa Dos

Mapasalamaton  si Lovi Po sa GMA-7 gumikan kay gitugtan siya niini nga makalugwa sa pipila ka programa sa ABS-CBN alang sa promosyon sa pelikula nila ni Joem Bascon sa Regal  nga The Annulment. Mosikad kini sa mga sinehan karong November 13.

Bag-ong kinabuhi

Mabulukon ang pagsaulog ni Bea Alonzo sa iyang  32nd birthday  dili pa lang dugay.  Matud pa sa aktres nga sama ra nga nagsugod og balik ang iyang kinabuhi.  Nasuta gyud niya nga daghan gyud siya og higala nga nagmahal kaniya  nga naa gyud sa iyang kiliran sa panahon nga duna siya’y mga problema.

Nagpa-relax sa Japan

Nanglaag sa Japan sila si  Vice Ganda ug ang  boyfriend niya nga si  Ion Perez. Sa Instagram post ni Vice, makita nga malipayon sila nga nanuroy sa kadalanan sa Tokyo.

Busy si Mommy

Tsika pa ni  Paula Peralejo  nga busy siya sa pag-atiman sa iyang  anak hinungdan nga wala siya’y plano nga mobalik sa showbiz. Nisikat si Paula kaniadto tungod sa  teen oriented Kapamilya series nga ‘Tabing Ilog’ niadtong  2000. 

Target ang Peru

Plano nila ni Aubrey Miles ug Troy Montero  nga  magpakasal  didto sa Machu Picchu. Nasayran nga 17 ka tuig na ang ilang relasyon.  Sa kadugay na sa ilang relasyon, wala gyud kini natumpag.