Momoland motabang sa mga Batang Pinoy

CEBU, Philippines – Idonar sa mga nanginahanglan   ang tipik sa kita sa  sikat nga  South Korean girl group  nga  Momoland nga mo-perform sa usa ka  event  didto sa kaulohan. .

Matud pa nga mga bata nga Pinoy ang beneficiaries sa kalihokan nga nag-ulohan og “Good Friends in Manila”  nga mahitabo karong  October 5 sa Smart Araneta Coliseum.

Makauban sa Momoland sa maong concert ang laing sikat nga performers nga sila si  Kim Jaehwan ug Ha Sungwon nga mga kanhi sakop sa  Wanna One.

Ang Momoland maoy nagpasikat sa awit nga  “Bboom Bboom” niadtong 2018.

Gilangkoban kini nila ni Hyebin, Yeonwoo, Jane, Nayun, JooE, Ahin, Nancy,  Daisy ug  Taeha .

K mibuwelta sa iyang bashers

Nagpusot-pusot ang mga mensahe  ni K Brosas  sa Twitter human gi-bash siya og maayo  sa pipila ka netizens  kun diin ang  uban niini nanghulga pa gyud kaniya.

Aduna kini kalabotan sa wala pag-uyon sa pipila ka netizens sa resulta sa scoring sa  Ultimate Resbak contestant sa  “Tawag Ng Tanghalan” sa It’s Showtime niadtong  September 11.

Dunay netizens ang wala mahimout  16.50 %  nga score  ni Mariane Osabel gikan sa mga  hurado.Napildi  si  Mariane niadtong higayona.

Tungod sa  gamay nga score niini  , gi-bash og maayo sa netizens  ang mga hurado kun diin usa  na niini si K.

Kauban ni K isip mga hurado sa maong contest mao sila si  Louie Ocampo, Dulce, Karylle, Jaya, ug  K.

“Before I sleep..to all the bashers, happy po? Nakadagdag po ba yan SA ikasasaya NG life at SA mga ‘pangarap’ nyo?Saya siguro NG pambaba bash no? Kahit wala kayong alam.Ako lang talaga super tag at bash nyo kc ako Lang sumagot na MAAYOS naman.Still bash pa more! Eh Di kayo na,” tweet pa ni K.

Matud pa ni K nga  “below-na-belt”  ra kaayo ang pagtira   sa iyang mga kritiko.

“Daming below the belt na hanas.. sobra.. parang May pinatay akong close nyo.. kaso the question is.. alam nyo ba lahat?? Ako lang nag explain pero Di nyo gets, so pano? Wait na lang po natin statement ng tnt.. wag ako tanungin At mag demand.. May dahilan lahat. Ganon yon,” dugang tweet ni K.

Jessy ug Derek nag-uban sa iWant series

Nag-uban  sila si  Jessy Mendiola ug Derek Ramsay  sa  usa ka proyekto sa streaming service  sa ABS-CBN nga iWant nga gipasalida na kagahapon.

Nag-ulohan kini og  “Mga Mata sa Dilim”   ug giingong langkoban kini og action scenes.

Gawas kang Derek , kauban usab ni Jessy sa maong proyekto ang aktor nga si Joko Diaz.

Suma pa ni Jessy nga  nalipay siya gumikan kay masuwayan na gyud niya ang  talagsaon nga role.

“Palaban siya. Hindi lang siya damsel in distress. Kaya nakakatuwa rin kasi binigyan nila ng ganoong characteristic ‘yung role ko, na lalaban din siya. Hindi lang siya ‘yung hihingi ng tulong sa kung sino man, tutulungan niya ‘yung sarili niya.Iyon ang difference sa ibang roles na nagawa ko,” saysay pa niya ngadto sa ABS-CBN News.

Nadala lang sa eksena?

Niulbo karon ang taho nga matud pa nadala lang si eksena si Miss International 2016 Kylie Verzosa  hinungdan nga nalud-an niya  si Miss Universe Philippines 2016 Maxine Medina sa confrontation scene nila sa teleseryeng Los Bastardos sa ABS-CBN.

Una na nga nigawas ang tsika nga nasakitan og maayo si Maxine gumikan kay wala gyud nag-sorry kaniya si Kylie. Giingong wala sa script ang gibuhat  ni   Kylie. Sa pagsuwat niining balitaa, wala pa mohatag og statement ang duha ka kampo.

Nag-unfollow na usab sila sa usag-usa sa  Instagram.  

Mr. and Ms.  Press Freedom 2019 karong gabii

Mahitabo na karong gabii   ang giatngan nga  Mr. and  Ms.  Press Freedom  2019 nga ipahigayon  sa   Cebu Business Hotel .

Ang candidates sa  maong  tinuig  nga indigay   langkoban sa nagkadaiya nga mga media outfit  isip usa sa mga kalingawan alang sa kasaulogan sa Cebu Press Freedom Week. .

Kini naglangkob nila ni   Preciosa Bacalso ug Kendrick Sisiban (The Freeman) , Wenilyn Sabalo  ug Kyle Torrez  (Sun Star Cebu) , Rosalie Abatayo ug Gerard Francisco (CDN Digital),   Joworski Alipon ug Donna Cañete Lavares (KBP). Suoton sa candidates ang pipila sa mga  mugna sa  usa sa mga ilado nga designer sa Sugbo nga si Nars Salazar Ochia.

Mugna usab ni Rholde de Silva ang korona ug mga sash sa mga mananaog. Gipaluyohan usab  ang maong kalihokan sa  Cebu Business Hotel, Grab, Golden Peak Hotel ug PR Works.