Todo pangandam

CEBU, Philippines — Todo na ang pagpangandam ni Yam Concepcion alang sa iyang umaabot nga  teleserye sa ABS-CBN nga  ‘Love Thy Woman’. Matud pa ni Yam nga nag-research siya pag-ayo alang sa iyang karakter. Hangtud karon markado gihapon ang iyang karakter isip Jade sa ‘Halik’ kun diin nidala siya isip kabit.  Kahinumdoman nga si Erich Gonzales unta ang modala sa role nga gidala niya sa ‘Love Thy Woman’. apan kalit nga niatras ang aktres.

Naglisod sa love scenes

Gitug-an ni Mylene Dizon nga naglisod gyud siya sa pagbuhat og love scenes sa pelikula nga ‘Belle Douleur’ nga mahimong kabahin sa 15th Cinemalaya Independent Film Festival. Makapares niya ang hunk actor nga si Kit Thompson ug gitug-an niya nga naglisod siya sa  ilang love scenes. “Difficult… very difficult. Hindi naman madali ang love scene kahit kailan, eh. Never yan naging madali. It’s very intimate and personal, so it’s not an easy thing to share with the stranger”, suma pa ni Mylene.

Mapasalamaton kang Ruel

Nanamilit na ang karakter ni Rosanna Roces isip si Irma sa ‘Los Bastardos’. Dako ang pasalamat ni Osang ngadto kang Ruel Bayani  gumikan kay mao kini ang mitabang kaniya aron mabalik sa spotlight. Human sa Los Bastardos, aduna siya’y laing proyekto kun diin makauban niya si JM de Guzman.

Unfair ang pag-bash

Mipadayag si Lea Salonga nga dili makiangayon nga tama-tamayon  ang mga hurado sa ‘Idol Philippines’. “It’s a little unfair to bash someone. I mean, each of those judges is coming from their own unique life experiences as well as their experience in the industry and they can only judge based on what they themselves know. I feel bad for any one of them that had to be on the receiving end of that kind of criticism. They were chosen for a reason so let’s see what they have to say. I mean at the end of it naman, look who ended up winning. So they were not wrong”, suma pa ni Lea.

DJ Jasmin, mipanaw na

Mipanaw na ang usa ka disc jockey sa MOR 101.9 nga si Jasmin Basar kinsa mas naila sa kahanginan isip si DJ Jasmin. Ang maong DJ adunay gitagamtam nga sakit sa kidney. Si DJ Jasmin mao ang nangulo sa programa nga ‘Dear Jasmin’.

Sagunson ang proyekto

Lahos-lahos na gyud ang appearance ni Judy Ann Santos sa telebisyon gumikan kay sukad nga nahimo siya  nga kabahin sa programa nga ‘Ang Probinsiyano’, magsugod na sab sa dili madugay ang serye nga iyang bidahan, ang  ‘Starla’. Naghinamhinam na sab siya niini gumikan kay palahi gyud ang timpla sa iyang karakter.

Wala kauyon ni Ryan

Daghan ang wala kauyon ni Ryan Bang gumikan kay dili na maayo ang mga pulong nga iyang gibuhian ngadto kang Jinho Bae. Scripted man o dili, daghan ang nakaingon nga dili maayo ang pagtratar ni Ryan ngadto kang Jinho atubangan sa kamera. Human nga nahimong guest host si Jinho sa ‘It’s Showtime’, kanunay na sila nga ikumpara tungod kay managsama sila nga Korean.

Dugay nang nagbuwag

Gibutyag ni Heart Evangelista nga taud-taud na nga nagbuwag ang iyang mga ginikanan nga sila si Reynaldo Ongpauco ug Cecilia Ongpauco. Naukay kini human nga adunay netizen nga nangutana kun hain  ang iyang inahan nga dili na kaayo makakita sa ilang family picture. Matud pa ni Heart nga suportado nila ang desisyon sa ilang ginikanan.

Nabaghoan sa LDR

Nabaghoan matud pa si Baron Geisler sa long distance relationship ngadto sa iyang umaabot nga asawa nga si  Jamie Evangelista nga nakabase sa Cebu. “Actually the truth is noong nagliligawan kami, sabi ko, ‘Jamie, huwag ka sana ma-adik sa akin.’ Pero ang nangyari nagkabaligtad, ako ‘yung sobra-sobrang na in love na hindi puwede ‘yung isang araw na hindi ko siya makausap o makita. Ang problema lang mayroon akong attachment  problems, needy minsan. I’m trying to fix that now and trying to parang understand and really deal kung paano mag-work ang long-distance relationship”, suma pa ni Baron.

KZ nang-hugyaw sa London

Gipangangha ni KZ Tandingan ang BBC radio show sa London nga ‘The Scene’. Gipabilib ni KZ ang mga host niini sa dihang giawit niya ang iyang single nga ‘Nag-iisa Na Naman’. Nitikang si  KZ  sa maong dapit aron nga i-promote ang London Barrio Fiesta event.