Heaven ug Edward giintriga
CEBU, Philippines — Hugtanong gihimakak ni Heaven Paralejo ang taho nga matud pa duna sila’y tinagoang relasyon ni Edward Barber. Kahinumdoman nga nagkauban sila si Heaven ug Edward kaniadto sa Pinoy Big Brother: Lucky 7 Edition niadtong 2016.
"Alam ninyo, tanungin niyo kaya si Edward. Nakakaloka kayo, di ba? Tsaka masaya na sila ni Maymay (Entrata), hayaan niyo sila, no,” tubag pa ni Heaven pinaagi sa iyang YouTube Channel. Una na nga nitumaw ang tsismis sa miaging adlaw nga nagtakilid ang relasyon nila ni Heaven ug Jimuel Pacquiao human nag-unfollow sila sa usag-usa sa Instagram.
Yeng gipikhan sa netizens
Trending ang hashtag nga #NoToDoctorShaming nga gigamit sa netizens sa pagsaway ngadto sa singer nga si Yeng Constantino. Nsayran nga naglitanya si Yeng pinaagi sa iyang Instagram post sa miaging adlaw ug nilenggua nga matud pa dili tarong ang serbisyo sa usa ka tambalanan didto sa Siargao. Nasayran nga nadisgrasya ang bana ni Yeng nga si Yan Asuncion sa usa cliff diving spot sa Siargao.
Giingong ginganlan pa ni Yeng ang doktora sa maong tambalanan nga matud pa nga murag wala’y pagpakabana sa nahitabo sa iyang bana. Pagkahuman og basa sa netizens sa mensahe ni Yeng, pipila niini ang nilaban sa doktor ug matud pa nga dili kini angayan basulon ilabi na nga dili kompleto ang gamit sa tambalanan. Suma pa pipila ka netizens nga dili sala sa mga medical staff kun gamay lang ang budget nga giayuda sa gobyerno sa maong tambalanan nga niresulta sa limitado nga serbisyo niini.
Derek miatras sa movie nila ni Kris
Gipahibalo ni Derek Ramsay nga dili siya mopadayon sa gikatakdang horror movie nila ni Kris Aquino alang sa Metro Manila Film Festival. Sa pakighinabi sa aktor ngadto sa mga sakop sa Cebu Entertainment Group, nisaysay siya nga naka-pokus siya karon sa teleserye nila ni Andrea Torres sa GMA nga The Better Woman. Gawas sa maong proyekto , aktibo usab siya sa pipila ka sports activities ug nitabang usab siya og atiman sa negosyo sa ilang pamilya.
Nitikang si Derek dinhi sa Sugbo niadtong Sabado alang sa promosyon sa The Better Woman.
- Latest