Gitangtang

CEBU, Philippines — Automatically evicted o forced-evicted  ang usa sa mga adult housemate nga si Banjo Batalan human nga mibuhi og komedya kabahin sa rape ngadto sa kauban niini sa balay nga si Gino Roque IV. Nahitabo ang maong komedya atol sa ilang pamahaw kun diin nagsugod na og kiwawan kaniya  ang ubang babaye nga housemates.

Zonia, kapuso na

Usa na ka Kapuso artist ang kanhi PBB 737 housemate nga si Zonia Meija. Nasigpatan nga mibisita sa buhatan sa Kapuso Network si  Zonia sa  miaging semana lang. Mahimong kabahin si Zonia sa Kapuso primetime nga ‘Sahaya’ kun diin gibidahan  kini nila ni Bianca Umali, Miguel Tanfelix ug Migo Adecer.

Gituldukan ang isyu

Gituldukan ni Shaina Magdayao ang tsismis nga matud pa nga nakadawat siya og tanyag sa laing network.  Una na nga gidungog nga mobalhin ang aktres sa GMA-7. “I am a Kapamilya. I am here in ABS (CBN). We are all here in ABS. We just finished doing another project for ABS, which is ‘Past, Present, Perfect’. Sa buong karera ko, sa buong pinagdaanan ko, hindi naman natin maaalis na magpapasalamat ako, number one, sa ABS dahil dito na ako lumaki but, number two, also sa kabilang istasyon dahil doon ako nagsimula”, suma pa ni Shaina.

Nananghid gyud

Nananghid una si Sue Ramirez sa iyang special someone una gibuhat ang kissing scene sa pelikula nga “Sunshine Family”. Nahimong kapares ni Sue sa maong pelikula ang Korean actor nga si Shinwoo sa Blanc 7.

Kever sa sungog

Dili isyu alang sa 17 anyos nga aktor nga si Zaijian Jaranilla kun sungugon og bayot tungod sa iyang pagdala sa role nga  bayot sa usa ka episode sa ‘Maalaala Mo Kaya’ kaniadto. “Kung alam mo naman sa sarili mo na hindi ka naman ganun, na straight ka, tapos nakita ng ibang tao na tumatak yung pagganap mo, [ibig sabihin] successful yung pagganap mo bilang bakla,” pagpasabot ni Zaijian.

Adbokasiya ni Gary V.

Adunay bag-ong adbokasiya si Mr. Pure Energy Gary Valenciano ug mao kini ang pagtudlo   sa promising Pinoy dancers. Ang maong adbokasiya giabagan na kini sa Studio sa  Pipay Production ni Lady Pipay nga usa ka social media sensation. Agi kini og pagtabang ni Gary V sa mga gusto gyud nga mapakita ug mapalambo ang ilang talento sa sayaw.

Kabilin ni Anton Diva

Simple lang ang gusto nga ibilin nga legasiya ni Anton Diva ugaling dili na siya aktibo isip usa   ka singer ug performer. “Gusto ko lang na maalala nila na si Anton Diva ay isang beki na unang nakilalang biritera. Twenty-two years ago, hindi naman lahat nagagawa ang kaya kong gawin”, suma pa ni Anton.

Tipints

Aduna na sa’y ipagawas nga kanta ang aktres ug ang vlogger nga si Alex Gonzaga. Ang maong kanta ipahinungod kini niya sa iyang inahan nga si Mommy Pinty. Matud pa ni Alex nga ang awit nga “Tipints”  i-release na karong  Hunyo 8.

Maayo sab mosayaw

Dili lang sa pag-arte maayo ang aktres nga si Dimples Romana. Gipamatud-an sab niya nga kamao sab siya nga mosayaw. Gani, nagpaubos siya og dance lesson karon sa G-Force.