Starstruck tuloy na!

SEEN: Ngayong gabi, May 27,ang red carpet premiere ng Finding You sa Cinema 7 ng SM Megamall ng Regal Entertainment Inc. na sina Jerome Ponce, Jane Oineza at Barbie Imperial ang mga bida. Ang Finding You ang biggest movie break ni Jerome  bilang lead actor. Hindi na balewala ang matagal na paghihintay ni Jerome na magkaroon ng pelikula na siya ang leading man.

SCENE: Nalampasan na ni Jerome Ponce ang achievements sa showbiz ng kanyang ama na si Jessie Delgado. Puro supporting roles ang ginampanan ni Jessie na active sa mga pelikula noong dekada ‘90. Hindi sigurado si Jerome  kung ilan ang mga kapatid niya sa ama.

SEEN: Kumpirmado na magsisimula sa June 15 ang Season 7 ng Starstruck, ang reality-based artista search ng GMA 7. Mga star material ang lahat ng female contestants ng Starstruck Season 7.

SCENE: Hindi napanood kagabi ang The Boobay and Tekla Show dahil preempted ito ng #BobRey, ang concert nina Ken Chan at Rita Daniela sa Music Museum noong May 11. Ang Boyet at Aubrey o BobRey ang mga pangalan ng karakter nina Ken at Rita sa My Special Tatay, ang defunct television series nila sa GMA7.

SEEN: Nakapasa sa audition ng Idol Philippines si Enzo Almario, ang openly gay singer na dating kasamahan nina Julie Anne San Jose at Rita Daniela sa Sugar Pop. Daily winner si Enzo sa Tawag ng Tanghalan ng It’s Showtime bago niya sinubukan ang kapalaran sa Idol Philippines.

SCENE: Deleted at inactive na ang Twitter account ng isang basher na bumatikos kay Bacoor City Mayor Lani Mercado. Nabahag ang buntot ng basher dahil sa sagot ni Lani sa kanya na “You don’t have to be mean to get attention. People are more appreciated when they show respect and GMRC even in social. media.”