Go gihapon

CEBU, Philippines – Wala gikanselar ni Loisa Andalio ang iyang birthday concert. Bag-o lang nakagawas si Loisa sa tambalanan gumikan sa nasinati nga dehydration ug psg-ubos sa blood pressure.

Pasok sa the Panti Sisters

Gidungag sa cast sa "The Panti Sisters" ang bag-ong aktor nga si Mark McMahon. Si Mark nahimo nga kabahin sa  La Luna Sangre ug karon usa na ka PBB Star dreamer. Makauban ni Mark sila si Cedrick Juan, Rosanna Roces, Carmi Martin, ug Roxanne Barcelo. Ang maong peliluka bidahan nila ni Martin Del Rosario, Paolo Ballesteros ug Christian Bables.

Wala gipatrabaho

Dako gyud og pasalamat si Gretchen Barretto sa iyang longtime partner nga si Tonyboy Cojuangco. Matud pa sa kanhi aktres nga wala gyud siya gipatrabaho niini ug di na kini maghago og pagpangita og kwarta. Dugang pa nga ang iyang responsibilidad sa ilang pamilya mao ang bantayan ang ilang anak nga si Dominique.

Huwaton ang trailer

Dili una mohatag og detalye ang aktor nga si Marco Gumabao sa ilang pelikula nga bidahan ni Anne Curtis nga "Just A Stranger". Matud pa ni Marco nga huwaton na lang ang paggawas sa trailer aron nga mahibaw-an ang dagan sa istorya.

Na-impress sa new actor

Na-impress si Megastar Sharon Cuneta sa acting skills sa bag-ong aktor nga si Kent Gonzales nga kabahin sab sa pelikula nga Kuwaresma. Matud pa ni Megastar nga wala kini'y kasinatian sa pag-arte apan kamao kini modala sa iyang role.

Gipaila-ila ang boyfriend

Gipaila-ila sa kanhi PBB housemate nga si Baninay Bautista ang iyang boyfriend pinaagi sa iyang vlog. Sa maong video, anaa silang duha sa Hong Kong Disneyland kun diin kauban niya ang iyang boyfriend nga si Bont Bryan Oropel kinsa usa ka vlogger ug social media influencer.

Mipanaw ang role model

Masulub-on karon ang Kadenang Ginto star nga si Andrea Brillantes human nga mipanaw na ang role model sa iyang kinabuhi nga si “Daddy Jun”. Mao kini ang apuhan ni Andrea nga kanunay nga nagsuporta sa iyang mga tinguha sa kinabuhi.

Gimingaw og arte

Giangkon ni KC Concepcion nga gimingaw na gyud siya sa pag-arte. Taud-taud na nga nawala sa limelight si KC tungod kay nabusy siya sa iyang personal nga kinabuhi. Ang ulahing proyekto ni KC mao ang "Boy Golden" nga napagawas niadtong 2013.

Reakyon sa meme

Mihatag na og reaksyon si Nadine Lustre kabahin sa meme nga 'President Nadine Lustre' nga nikatap na sa internet pipila na ka tuig ang milabay. "Honestly it's just really nice to be someone a lot of people look up to, na ako 'yung parang inspiration nila, na they look at me as someone who's strong, who is very empowered, someone who is inspiring also", suma pa ni Nadine.