Stay simple, no matter what

CEBU, Philippines — Simple nga pamaagi sa pagpakabuhi ang gitagamtam sa 17 anyos nga si Janna Joseph Daño.

Bisan og nakaronohan na siya karong tuiga isip Miss San Francisco Camotes 2019, padayon siya nga anaa sa kiliran sa iyang giila na karon nga ginikanan nga sila so Violy Daño ug Ver Dela Cerna kinsa nagnegosyo og tawge didto sa merkado sa isla sa Camotes.

Istorya pa ni Janna nga anaa na siya sa luna sa iyang Mommy Viioly ug Daddy Ver sa dihang bag-uhay pa lang siya gipanganak sa iyang biological mother kinsa nagtrabaho sa laing nasud. Mao sab ang iyang amahan nga nanimpad sa laing nasud.

Gitug-an ni Janna nga lisod ang layo sa iyang matuod nga mga ginikanan apan naningkamot ang iyang namat-ang ginikanan nga ibuhong siya sa pagmahal ug pag-amuma.

Nagtubo nga malipayon ug gawasnon si Janna. Matud pa niya nga suportado siya sa iyang Mommy ug Daddy sa tanan niya nga kasikas sa kinabuhi.

"I did not feel empty because they did not let me feel that way. They gave me everything that a child wants and needs", suma pa ni Janna.

Mao nga gipaningkamutan niya tugbangan niya ang tanang pagpaningkamot nga gibuhat alang kaniya human nga  pareho na nga mitaliwan ang iyang mga matuod nga ginikanan tungod sa gihambin niini nga mga kritikal nga mga sakit.

"Pag-2012, akong mama, na-diagnosed sa Nasal Polyp Cancer Stage 4. Nahadlok ko kay cancer ang iyang sakit. November 04, 2014, she died. Naglisod og ingon akong mommy nako ato. Duha ka adlaw pa ang milabay una siya miingon nako nga wala na akong mama. It was hard accepting that she is gone but I know she is fine right now. Pag-May 04, 2017, akong daddy na sab ang mibiya namo tungod sa cardiac arrest", asoy pa ni Janna.

Tuig 2008, na-stroke ang iyang daddy mao nga sakit sa iyang buot nga pipila ka tuig na kini nga nag-antos.

"It was hard knowing that he passed away, but I know wherever he is right now he is alright and safe", matud pa niya.

Gisilsil ni Janna sa iyang alimpatakan nga anaa kanunay sa iyang kiliran ang iyang mga mibuhi kaniya nga bisan og anaa na kini sa laing kalibutan, anaa pa kini nga padayon nga nagiya kaniya.

Alang kang Janna nga proud gyud ang iyang mga ginikanan kaniya sa dihang naninguha sab siya nga modaog sa mga indigay nga iyang salmutan.

Katorse anyos pa lang siya sa dihang nagsugod siya pag-apil og mga beauty pageant.

Ang Miss Poro 2016 mao ang labing unang pageant alang kaniya. Wala siya midaog niini apan malipayon siya sa maong kasinatian. Nakitaan sab kini niya og kalingawan.

Human niini, ang iyang ig-agaw nga si Jarred Daño mao ang midani niya nga mopaubos og screening sa Miss San Francisco niadtong 2016.

Wala siya madawat niini tungod kay bata pa siya og edad ug postura.

"Wala sa ko ni join ato ug barangay pageants. Ni-focus ko sa akong pagtuon ug naay  pageant sa among school. Akong ig-agaw ni- encourage nako para lingaw-lingaw lang", asoy niya.

Nidaog ko sa pageant ug giingnan ko sa akong ig-agaw nga mobalik og apil og mga barangay pageant.

"I was great since dili siya conflict sa schedule sa deadline sa schoolworks", matud pa niya.

Ubay-ubay sab iyang naapilan ug wala siya'y backstage (pildi) sa iyang mga gisalmutan. Dili sab sa tanang panahon nga korona ang iyang mauli apan mapasalamaton siya gumikan kay kanunay siya mga malakip sa Top 5.

Tuig 2018, mibalik siya og paubos sa screening sa Miss San Francisco  ug dakong kalipay ug dakong butang na alang kang Janna ang mitapos siya isip 4th Runner Up.

Ang iyang ig-agaw kinsa nga nahimong handler na niya nga si Jarred mao ang miagni kaniya nga mobalik og apil sa dako nga kalihukan karong tuiga.

"Naglibog ko og moapil ba ko pagbalik kay naka place nako last year. But, I really want to try my best to win the crown. My family and friends encouraged and supported me. Mao ni ang nagpush nako mobalik", saysay niya.

Wala nagmahay si Janna sa maong pagtuman ug paghimo og lakang nga mobalik sa dakong entablado.

"Second chances are worth it, I won Miss San Francisco 2019. It is wonderful. Winning Miss San Francisco is my dream since I was 15 years old. Now, its a dream come true", hugtanong giingon ni Janna.

Karon nga anaa na niya ang gihinamhinam ug gitinguhang korona, andam na siya mas dagko pa nga pageant kun moabot man kini kaniya.

Bisan pa man og siya na karon ang bag-ong rayna sa San Francisco, dili gihapon niya hikalimtan kun unsa ang iyang gigikanan ug kun unsa nga panginabuhian ang nagbuhi kaniya.

"Padayon gihapon nga mahimong simple ang pagpakabuhi ug dili angay nga himuong komplikado ang mga butang-butang tungod lang sa gamay nga nakag-ob. Kung padayon ta nga mahimong simple, mao kini ang magtuklod nato aron mas nindot pa nga mga butang ang maabot kanato in a most unexpected way", pagtapos pa ni Janna.

Ang ilado nga designer nga si Lemuel Rosos maoy pageant director sa Miss Francisco 2019.

FastFact

Name: Janna Joseph V. Daño

Nickname: Janz

Age: 17 years old

Birthdate: September 19, 2001

Address: San Isidro, San Francisco, Cebu

Height: 5'3 

Weight: 47 kgs.

Vital Statistics: 36-25-35

School & Degree: CTU - San Francisco Campus, Bachelor of Science in Hospitality Management ( I'm entering college this year )

Favorite Song: Statue by Lil Eddie

Favorite Movie: Peach Girl (Japanese Movie)

Favorite Colors: Black, Blue, Green, Red

Favorite Food: Fried Chicken

Celebrity Crush: Thomas Sangster

Inspirational Beauty Queen: Pia Wurtzbach 

Motto: Education is the best weapon 

Previous Pageant Titles:

-Miss Sonog Tourism 2017,

-Binibining Tudela 2018,

-San Francisco Mayor's Cup- Best Muse 2018,

-Miss San Francisco 2019i Nadine Lustre ang sunod nga modala sa karakter ni Darna. Kahinumdoman nga nakasuway na si Lorna nga nahimong Darna niadtong 1997.

Nasayran nga gawas kang Lorna,  pipila na usab ka mga direktor ang nipadayag nga angayan gyud si Nadine sa maong role. (Sanden J. Anadia)