Angel Locsin nanggulat sa birthday ni Neil Arce!

SEEN: Ang pasasalamat ng movie producer na si Neil Arce sa kanyang girlfriend na si Angel Locsin dahil sa party na inihanda nito para sa kanyang kaarawan noong weekend. “I usually don’t like smiling during photos but how can I not smile beside this one. Thanks for organizing the party my love,” ang pasasalamat kay Angel ng kanyang boyfriend na co-producer ng Viva Films sa Ulan.

SEEN: Sa March 29, 2019 ang Just Be Kind first major solo concert sa Music Museum ng JBK Trio, ang all-male singing group nina Joshua Bulot, Bryan del Rosario at Kim Ordonio. Kasabay ng concert ang pagdiriwang ng JBK ng fifth anniversary nila sa entertainment industry. Special guests sina Julie Anne San Jose, Bradley Holmes, Kakai Bautista at ang cast ng Rak of Aegis, kasama si Nina Espinosa.

SCENE: Wala kahapon sa It’s Showtime sina Vice Ganda at Kuya Escort Ion Perez dahil magkasama sila na nagpunta sa Guam. Sina Ion at ang It’s Showtime Ate Girl na si Jacque Gonzaga ang mga guest sa concert ni Vice Ganda sa University of Guam noong March 17, 2019.

SEEN: Sa April 1, 2019 ang pilot telecast ng Bihag, ang afternoon drama series ng GMA-7 na ipapalit sa My Special Tatay na magwawakas sa March 29, 2019. Lead cast ng Bihag sina Max Collins, Jason Abalos, Sophie Albert at Mark Herras.

SCENE Ang Ulan director na si Irene Villamor ang direktor ng Love You Two, ang drama romance comedy series na tinatampukan nina Gabby Concepcion, Jennylyn Mercado, Shaira Diaz at Clint Bondad. Mapapanood sa GMA-7 sa susunod na buwan ang Love You Two.

SEEN: Malaking hamon para kay Arjo Atayde ang pangarap nito na magkaroon ng private relationship kay Maine Mendoza dahil pareho sila na mga kilala na entertainment personality. Puwedeng mangyari ang kagustuhan ni Arjo kung hindi na siya magpo-post sa social media ng mga bagay na may kinalaman sa personal relationship nila ni Maine.