Park Bo Gum mobisita sa Pilipinas

CEBU, Philippines — Nagmaya ang Pinoy fans sa  South Korean actor  nga si Park Bo Gum human niulbo ang taho kagahapon nga motikang sa nasud ang ilang idol.

Tipik matud pa kini sa Asian tour  ni Park  ug wala pa’y tataw nga petsa  niini apan segurado na nga pagahimoon kini sa Mall of Asia Arena.

Gawas sa Pilipinas, mobisita usab siya   sa Hong Kong, Indonesia, Malaysia ug  Taiwan.

Nikisaw ang pangalan ni Park  dinhi sa Pilipinas gumikan sa  drama series nga “Love in the Moonlight”  nga  gipasalida kaniadto    sa ABS-CBN.

Nalakip usab siya sa seryeng  “Encounter” kauban ang sikat nga aktres nga si  Song Hye Kyo.