Dugay ra’ng nagbulag?

CEBU, Philippines — Niadtong September pa nagbulag sila si Miss Universe Catriona Gray ug Clint Bondad. Kanang maong tsika unang nisibaw pipila ka adlaw human sa kadaogan ni Gray didto sa Thailand.

Ug niadtong Miyerkules, subling nisibaw ang tsika nga bulag na gyud sila human gipangutana si Catriona sa Star Patroler nga si Mario Dumaul kun unsay iyang pilion: Love or Crown?

Tubag ni Miss Universe: crown.

Suma pa niya, hatagan niya og igong pagtagad ang iyang mga katungdanan isip Miss Universe sanglit talagsaon matud pa kini nga kahigayonan, ug niingon nga lisud sab nga layo sila sa usag-usa.

Samtang si Clint nabuking nga wala na gyud silay komunikasyon ni Catriona sanglit sa pag-guest niini sa Eat Bulaga, wala kini kasayuran dihang gipangutana ni Vic Sotto hain niadtong tungora si Miss Universe.

Wala hinuon siya’y direkta nga tubag ngadto sa usa ka netizen dihang gipangutana nganong ni guest pa siya sa Eat Bulaga nga bulag naman diay sila ni Catriona, sanglit ang  iyang kadungan nga guests kasamtangan man nga ka relasyon og kanhi beauty queens.

Matud ni Clint wala matud pa siya masayud nganong siya maoy gidapit sa Eat Bulaga kauban sa ubang guests.

Mura’g tinuod nga bayot

Nasaypan na nga bayot si Hero Angeles gumikan sa iyang role sa teleseryeng “Halik” isip si Atty. Ken Velasco.

Giangkon ni Hero nga naglisud siya sa maong role, apan kay epektibo man niya kining nahatagan og ataki, naalaan na hinuon siyang bayot gyud tinuod, matud pa.

“Nakakatawa. Una kasi sobrang nangangapa ako dahil hindi ko alam ang gagawin. Pero sa guidance ng directors namin ayun nagawa ko naman. Sobrang happy ako na na-appreciate nila,” ni Hero pa.

 Suma pa ni Hero nga daghan pa og angayang atangan sa maong top-rating serye.

“Marami pang itatakbo ang istorya bukod sa relationships. Nandiyan ‘yung pagkakaibigan,” ni Hero pa.

 Gawas sa “Halik” aduna say himuon nga pelikula si Hero karong 2019.

For the first time

Sa labing unang higayon, si Maine Mendoza na mismo ang nagpost sa social media og hulagway nila ni Arjo Atayde. Gipost kini ni Maine sa iyang Instagram Story niadtong Miyerkules sa gabii, Pebrero 20. Matod pa, kuha ang maong hulagway atol sa official launching sa bag-ong make-up product endorsement ni Maine.

Magselos sa ex-suitor

Giangkon ni Kapuso actress Yasmien Kurdi nga magselos ang iyang bana nga si Rey Soldevilla Jr. ngadto sa iyang kanhi suitor ug ka-loveteam karon sa  seryeng  Hiram Na Anak sa GMA-7 nga si Dion Ignacio. “Pero sabi ko nga sa kanya, wala namang dapat pagselosan,”pagklaro  pa sa aktres.

Midepensa ni Ronnie

Midepensa ang Kapamilya star nga si Loisa Andalio sa uyab niini nga si Ronnie Alonte sa pamaagi niini sa pagtubag sa mga bashers.”Si Ronnie kasi ano talaga siya, laking kalye kasi kami, e. Wala siyang pakialam kung anong sinasabi niya, basta pinagtatanggol niya yung sarili niya at tama naman yung pinaglalaban niya,”sigon pa sa aktres.

Nagbalik

Human sa usa ka tuig nga nagbuwag, nagbalik na silang Thea Tolentino ug Mikoy Morales. Kahinumduman nga niadtong Agosto 2017 nagbuwag ang duha ka kapuso stars human sa ilang   relasyon.“Bigla na lang ulit, last year. Huwag nating lokohin ang sarili natin!’ Charot!”asoy pa ni Thea.

Nagmahay

Gibutyag sa aktres nga si Empress Schuck nga aduna matod pa siya’y pagmahay sa iyang kalit ug wala napangandaman nga pagbuntis ug pagkahimong inahan niadtong 2015 sanglit nakaapekto kini sa iyang karera.  “Siguro, ang regret ko po, in a way, in terms of my career. Pero it’s a mistake na hindi namin plinano. Dapat planado siya, dapat sacred siya,” sigon pa sa 26 anyos nga aktres.

Alden-Kathryn movie

Nilanog ang tsika nga matod pa mag-uban sa usa ka Star Cinema movie silang Kapamilya actress Kathryn Bernardo ug Kapuso actor Alden Richards. Ang Kathryn-Alden o KathDen movie ipaubos matod pa sa direksyon ni Cathy Garcia-Molina.

“We like to have fun”

Gipaambit ni Liza Soberano kun unsa ang labing ganahan niya sa relasyon nila ni  Enrique Gil. Kini mao matud pa ilang batasan diin managsama sila. “We like to have fun a lot.”

Mihagit sa bashers

Mihagit ang singer-songwriter nga si Ogie Alcasid ngadto sa mga bashers sa iyang asawa nga si Asia’s Songbird Regine Velasquez nga siya nalang ang atubangon. “Sino na naman ang umaapi sa asawa ko? Ako harapin nyo. You do not hurt or ‘bash’ someone you claim to love. It just doesn’t make sense,”pahungaw pa ni Ogie.

Happy ang love life

Gidungog nga malipayon ang love life karon sa Kapamilya actress  nga si Maja Salvador human nagbalik sa non-showbiz boyfriend niini nga nailhang Rambo Nuñez Ortega. Kahinumduman nga niadtong Pebrero 16 nakit-ang nag-uban si Maja ug ang maong     non-showbiz guy sa usa ka date. Hangtod karon, wala pay katin-awan si Maja kalabot sa maong tsismis.