Not Just A Pretty Face

CEBU, Philippines — Kompyansa sa kaugalingon ang labing importante nga kahimanan nga maangkon sa usa ka tawo. Mao kini ang labing importante sa mga singer ug mga performer nga adunay dako nga pagmahal sa pagpasundayag.

Kun mawala kini sa usa ka tawo, adunay dako nga posibilidad nga mapupos ang mga gitinguha nga makab-ot pa sa kinabuhi.

Ingon niini ang sugilanon sa kinabuhi sa 19 anyos nga nagikan sa Kimba, Talisay City nga si Vanessa Kay Parame kinsa nahimong second runner -up sa Sinulog Idol Season 10.

Tres anyos palang siya, nabantayan  na sa sa iyang apohan nga si Lolo Aquiles ang hugyaw niya nga abilidad sa pagkanta.

“Mokanta gyud daw ko bahala og di ko kahibalo mobasa pa. Paminawon ra nako ang kanta then musabay ko hangtud makuha na nako ang kanta”, asoy pa niya.

Tungod kay adunay dako nga pagtuo ang iyang apohan ug ang iyang inahan nga si Mirasol sa iyang katakos, dali siya nga gipaubos og workshop ngadto kang Boy Odanggo.

Pipila ka tuig ang milabay, gipa-enroll siya sa A.Salonga School of Music kun diin si Heidi Pogoy ang mitabang kaniya aron nga mabaid ug mahanas pa ang iyang tingog.

Igo nga suporta ang iyang nadawat gikan sa iyang pamilya ilabi na sa iyang inahan kinsa nag-inusarang nimatuto kaniya.

Bisan pa man og ang suporta sa iyang pamilya ang nagpalig-on ngadto kaniya apan dili gyud niya malikayan nga mahiubos sa mga madungog nga istorya gikan sa mga tawo sa iyang palibot.

“Daghan ko og nadunggan nga mga negative nga descriptions about nako. Like mga saway nga statements nga ‘nawong ra, way talent’, and I own such a soft heart; wherein dali ra kaayo ko maluoy ug malain. More than that, dali pud ko pahilakon ug pasakitan”, suma pa ni Vanessa.

Nakahatag kini og kasakit sa dughan ni Vanessa mao nga miabot ang higayon nga mihunong siya sa pagkanta.

Taud-taud gyud ang pagpahuway ni Vanessa tungod sa maong pagduhaduha sa kaugalingon.

Apan adunay panultihon nga “nothing lasts forever” mao nga ang maong pagsakripisyo ni Vanessa natuldukan lang gyud kini tungod kay gidasig siya pagbalik sa iyang pamilya ilabi na sab sa iyang uyuan nga si Jojo Exclamador ug sa iyang hinigugma. Gani, gi-am-aman sab siya nga dili na lamang panumbalingon ang mga nadunggan tungod kay wala kini maayo nga mahatag sa kaugalingon.

Dugang pa nga ginabuhat sab kanunay ni Vanessa ang pag-ampo. “Pray gyud. Also, I thought of how I would end up if nagpadayon ko’g barog sa lugar na galisod ko. Mao nang nakatabang og push sa ako balik para mopadayon”, matud pa niya.

Sa higayon nga mibalik na og pasundayag si Vanessa, nabatyagan ni Vanessa ang paghangop kaniya sa mga tawo sa iyang atubangan samtang anaa siya babaw sa entablado.

“The feeling it brought to the people watching and hearing me sing. Napa-happy nako sila”, padayag pa ni Vanessa.

Mao kini ang nabatyagan ni Vanessa sa dihang mitungtong siya sa entablado sa Sinulog Idol nga didto gipahigayon sa Plaza Independencia sa  miaging buwan lang.

Bisan pa man sa ka-busy  ug sa grabeng pressure,  wala gyud siya nagmahay sa pagsalmot niya sa Sinulog Idol  gumikan kay daghan gyud siya og nakat-onan .

Usa sad sa natuklod ni Vanessa nga mosuway sa pag-apil sa Sinulog Idol karong tuiga gumikan kay buot niya nga makita ang kausaban nga iyang gitinguha nga dili na magpahipi.

Matud pa niya nga iyaha gyud nga nakita nga duna pa siya’y  laing ikadalit sa katawhan ilabi na sa uban pa nga estilo sa pagkanta  ug ang pag-atubang og bagang duot sa katawhan.

Dugang pa ni Vanessa nga aduna sab siya’y pamatud-an sa iyang pagsalmot.

“Na bisag ingani ko ka unexperience kay kaya nako mo-fight ani nga game ug battle. That I'm more than just a pretty face,” hirit pa niya.

Dili gyud makalimtan ni Vanessa ang iyang nasinati sa dagan sa kompetisyon gumikan kay mao kini ang kompetisyon nga iyang nasalmutan nga dili niya mahunahuna nga aduna siya’y mga kasangka.

Dakong pasalamat ni Vanessa nga mas nahatagan siya og igong kusog nga mopadayon sa maong kompetisyon tungod sa ilang pagpaubos sa mga workshop.

“Kay grabe na baid akong confidence ug voice ato. Na win back nako akong confidence and I was able to show the people of Cebu the love I have sa pag- perform”, pulong pa ni Vanessa.

Saksak sinagol gyud ang iyang gibati sa dihang nalakip siya sa Top 3.

“Thankful, blessed, mixed emotions jud kay I thought di nako kaya and yes I made it to top 3! Thank you Lord! Ug daghan kaayong salamat sa mga nisuporta nako. Words are not enough to express my gratitude. Pero it doesn’t stop here sa Sinulog Idol. Thank you jud kaayo sa prayers and messages.