Bentong namatay sa kumplikasyon sa diabetes

SEEN: Ang pasasalamat kay Quezon City District V House Representative Alfred Vargas dahil siya ang author ng House Bill 5841 or An Act Institutionalizing a Telecommuting Employment Program o “work from home programs.” Ang mga employer at mga empleyado ang makikinabang sa naturang House Bill dahil hindi na nila kailangan na makipagsapalaran sa matinding problema sa traffic.

SCENE: Komportable nang magsalita si Matteo Guidicelli tungkol sa relasyon nila ni Sarah Geronimo at napatunayan ito ng entertainment writers na sinaksihan ang pagpirma niya ng kontrata noong Biyernes bilang bagong contract star ng Viva Artists Agency.

SEEN: Ang latest update na hindi pa 100% na sigurado na ipagkakaloob sa LCS Group of Companies ang franchise ng Miss Universe Philippines sa kabila ng pag-amin ni former Ilocos Sur Governor Chavit Singson na ipinagkatiwala sa kanya ng Miss Universe Organization ang pagpili ng kandidata na ilalaban  sa Miss Universe 2019.

SEEN: Ang Exit Point ang comeback movie ni Ronnie Ricketts at siya rin ang direktor ng pelikula na may playdate sa mga sinehan sa February 20, 2019 at magkakaroon ng red carpet premiere sa February 17. Pinagbigyan ni Ronnie ang hiling ng kanyang mga kababayan na idaos ang premiere night ng Exit Point sa Muntinlupa City.

SEEN: Sumakabilang-buhay kahapon sa edad na 55 ang comedian na si Bentong. Binawian ng buhay si Bentong sa Fairview General Hospital, Fairview, Quezon City. Mga kumplikasyon dahil sa diabetes ang sanhi ng pagpanaw ni Bentong.