Bilib sa mga kaubang artista

CEBU, Philippines — Dako gyud kaayo og bilib ang beteranong aktres nga si Jackie Lou Blanco karon nga makatrabaho niya ang duha ka henerasyon sa mga aktor sa serye nga “Inagaw na Bituin”. Mao kini ang labing unang higayon nga makatrabaho niya si Kyline Alcantara ug Therese Malvar. Maka-eksena sab niya ang mga ‘90s stars nga sila si Sunshine Dizon, Angelika dela Cruz, Angelu de Leon, Marvin Agustin ug Gabby Eigenmann. “I’m already in my 50s, but I’m still in awe when I work with them kasi ang huhusay talaga nila. I am inspired and I think as an actor, no matter kung magaling ka na sa industriya, ‘pag ang mga kasama mo mahuhusay, there’s always something that we can take home. There’s always something that you can add to what you know. It’s always a joy. Truly, it has really been a joy. It’s really a blessing so I’m very happy”, padayag pa ni Jackie.

Bentong, mipanaw na

Mipanaw na kagahapon ang usa sa mga sikat nga mga komedyante nga si Domingo Vusotros Brotamante Jr kinsa mas ilado isip si Bentong. Singkwentay singko anyos siya. Cardiac arrest ang gikatahong hinungdan.

Mystical-romance film

Sa March 13 na mapagawas ang pelikula nga gibidahan nila ni Nadine Lustre ug Carlo Aquino nga “Ulan”. Usa kini ka mystical romance story diin ang karakter ni Nadine nga si Maya makasinati sa presensya sa mga dili ingon nato nga mga binuhat sama sa tikbalang, ghost bride ug uban pa nga masuta ra puhon sa pelikula.

Plano kaniadto

Tsika pa ni Judy Ann Santos nga dako gyud ang posibilidad nga magkatrabaho sila puhon sa iyang suod nga higala sa showbiz nga si Regine Velasquez-Alcasid gumikan kay usa na man lamang sila og gipuy-an nga estasyonan. Matud pa ni Juday nga dugay na sila nga nagplano niini ug buot nila nga magmugna og drama film nga sila’ng duha ang mobida.

Pasok sa next round sa agt 3

Nakadawat og tulo ka “YES” gikan sa mga hurado sa Asia’s Got Talent Season 3 ang kanhi contestant sa “Hype Kang Bata Ka” sa Eat Bulaga nga si Zeexhie. Ang 6 anyos nga bata gipakpakan sa mga hurado nga sila si Anggun, Jay Park, ug David Foster human mipakita sa iyang cheerleader dance moves samtang siya giabagan sa iyang amahan nga si Reiner Garcia. Pasok na sa next round si Zeexhie ug nangandam na sab kini sa iyang ipakita nga mga hugyaw nga mga dance moves.

Nasinati sa kausaban

Nakabatyag na ang PBB Otso housemate nga si Seth Fedelin sa dakong kausaban nga nahitabo sa iyang kinabuhi sukad nga nisulod siya sa PBB house niadtong miaging tuig. Matud pa ni Seth nga wala pa gihapon siya maanad sa atensyon nga iyang nakuha gikan sa iyang mga tagasuporta karon nga gisulod na niya ang kalibutan sa showbiz. Dugang pa ni Seth nga gimingaw na siya sa iyang simple nga inadlaw-adlaw nga gimbuhaton. Usa sa iyang dako nga gikamingawan mao ang pagsakay og jeep ug ang paglimpyo niya sa swimmingpool sa iyang kanhi gitrabahuan.

Gi-enoy ang kagawasan

Gi-enjoy karon sa Sugbuanong aktres nga si Dionne Monsanto ang kagawasan nga makapili og mga proyekto nga iyang dawaton. Freelance artist ang estado karon ni Dionne sa showbiz. “I get to do the projects that I want. I get to choose the projects that I want... I really enjoy it”, suma pa ni Dionne.

Gi-ampingan sa GMA

Mapasalamaton gyud si Miss World 2013 Megan Young tungod kay giampingan gyud pag-ayo sa Kapuso Network ang iyang karera. Karon nga naka-renew na siya sa iyang kontrata, matud pa sa beauty queen/actress nga pabilin siya nga nga moalagad alang sa ma maong network.