Lawas ni Daniel gipistahan

CEBU, Philippines – Gipistahan og maayo  sa netizens ang Instagram photo ni   Daniel Padilla gumikan kay naka-  topless kini.

Bisan  black-and-white ang maong  hulagway,    padayon gihapon kini nga gipistahan sa iyang fans.   “Hot tub time machine,” was what he wrote in his caption.

“Dito na ako sa walang abs. Gwapo naman,” suma pa sa usa ka  netizen

Kasagaran sa netizens ang nilenggua nga  gawas sa kaguwapo, dili usab basta-basta ang lawas sa aktor.

Sa pagsuwat niini,  nakabaton na kini og dul-an sa  2000,000 likes ang maong hulagway. 

Sarah mi-perform sa Papal Visit

Dili gyud masukod ang gibating kalipay ni Sarah Geronimo human siya ni-perform sa pagbisita ni Pope Francis sa United Arab Emirates sa miaging adlaw.

Usa ang  singer sa  mga nikanta pagkahuman sa  misa nga gipangulohan sa  Santo Papa . Ang maong kalihokan gitambongan sa kapin sa  130,000 ka mga tawo  ug gipahigayon kini sa  Zayed Sports City Stadium.

Gikanta ni Sarah ang  “The Prayer”, “The Climb”, “Rise Up”, “Man in the Mirror” ug “Forever’s Not Enought”.

Gipakpakan og maayo si Sarah sa audience.  Nasayran nga ubay-ubay nga mga Pinoy ang nitambong sa maong dakong kalihokan.

Nasayran nga nakahalad usab og awit si Sarah sa usa ka  religious event niadtong  1995 sa dihang nibisita sa  Pilipinas si Pope John Paul II. 

Fans ni Nadine nakuryuso

Trending dayon sa social media ang histura sa poster sa pelikula ni Nadine Lustre nga Ulan  nga gi-post sa direktor niini nga si Irene Villamor.

“Pasilip sa parating na ulan,” suma pa sa  caption niini.

Kauban ni Nadine sa maong pelikula sila si Carlo Aquino, Marco Gumabao ug  AJ Muhlach.

Mao kini ang labing una niya nga pelikula nga dili niya kauban ang iyang boyfriend nga si James Reid.

Nakuryuso ang fans ni Nadine sa poster sa maong pelikula ug pipila niini ang nilenggua nga tikbalang ang role sa aktres.

Suma pa sa mga obserbasyon nga palahi na   pud nga pelikula ang masuwayan ni Nadine.