Proyekto sa KathNiel

CEBU, Philippines — Adunay plano ang kadagkoan  sa Spring Films nga sila si Direk Joyce Bernal ug Piolo Pascual alang kang Kathryn Bernardo ug Daniel Padilla. Gitataw sa duha nga  lain-lain ang ilang  proyekto. Sa proyekto ni  Daniel, makauban niini si  Charo Santos ug hatagan kini og direksyon ni Direk Joyce samtang ang pelikula nga lakipan ni Kathryn, mag-ulohan kini og “History of the Parking Lot”.

Naabot ra gyud

Gipadayag ni Mika dela Cruz nga dunay mga higayon nga  nawad-an na siya og paglaom human wala madayon ang tulo niya ka mga proyeko  . Apan nahusawan ra siya sa dihang naangkon niya ang  lead role sa serye nga “Kara Mia”. “Actually, sa akin, umabot ako sa point na parang… hindi naman sa ayaw ko na… hindi na ako nag-i-expect”, suma pa ni Mika.

Andam makatrabaho

Gikataw-an nalang ni Gelli de Belen ang pangutana kun naka-feel  ba siya og selos sa dihang ang iyang bana nga si Ariel Rivera mao ang nisugat ni Regine Velasquez sa pagsulod niini sa Kapamilya network atol sa usa ka production number sa ASAP Natin ‘To!. Tsika pa ni Gelli nga andam sab gyud siya nga makatrabaho ang iyang bana ug si Regine sa usa ka proyekto gumikan kay dili na kinahanglan nga ugkaton pa ang kaagi nilang Regine ug Ariel tungod kay aduna na sila’y tagsa-tagsa ka mga pamilya.

Nagbuwag na

Gikumpirma sa Pinoy Big Brother Otso housemate nga si Karina Bautista sa show nga Gandang Gabi Vice nga nagbuwag na sila sa iyang upat ka tuig na nga  boyfriend nga si Christian Dronio. “Ngayon po, hindi na po. Friends na lang. Siguro po para may soul searching ganun po kasi mahirap yung nangyari,”, kumpirma pa ni Karina.

Mahadlok sa asawa

Gitug-an ni Robin Padilla nga aduna gyud siya’y kahadlok sa iyang asawa nga si Mariel Padilla apan giklaro niya nga dili siya pa-under niini. “Ay hindi yung under! Iba yung under! Yung under utusan yun yung takot, takot ka lang magalit yung asawa mo, takot ka magtampo yung asawa mo”, suma pa ni Robin.

Makahilak

Giangkon sa RnB singer nga si Kyla nga emosyonal gyud siya kung makadawat og kasaba ang iyang 6 anyos nga anak nga si Toby. Matud pa ni Kyla ng makahilak gyud siya og makakita siya nga naghilak ang iyang anak. “As much as we can, we try to respond to his emotions in a comforting manner even when we’re mad. Kaya lang minsan, kapag umiiyak na sya, ako din naiiyak. Pero kailangan sila kausapin at maturuan”, suma pa ni Kyla.

Naapektohan sa bashers

Padayon gihapon nga gisumsuman sa kadaghanan ang pagtubag ni Sylvia Sanchez sa mga bashers sa iyang anak nga si Arjo Atayde human nga ma-link ngadto kang Maine Mendoza. Matud pa ni Sylvia nga nakadawat na gyud sila og pagpanghulga nga matud pa nga ipapatay ang iyang pamilya. Mihangyo lang sab siya nga kun unsa mang dautan ang giplano alang sa iyang mga anak, dili nalang unta kini ipadayon. Buhaton sab ni Sylvia ang tanan aron maproteksyonan ang iyang pamilya ilabi na ang iyang mga anak. “Mayroon pang nag-post diyan na isang bala ka lang. ‘Yung bala na ‘yun para sa akin niyo na lang ibigay, huwag na sa mga anak ko”, tug-an pa ni Sylvia.

Proud sa ex-wife

Proud kaayo si  Martin Nievera sa  iyang ex-wife nga si Pops Fernandez kinsa usa sa mga  hurado  sa American talent show nga “The World’s Best”. Magsugod ang maong show karong Pebrero 3 ug mapakita kini sa CBS. Nalakip si Pops sa 50 ka mga “Wall of the World” global experts sa kalibutan sa entertainment. Makauban ni Pops ang  main judges nga sila si Drew Barrymore, Faith Hill ug RuPaul Charles.

Baby face

Wala gyud magpaulahi sa pagsalmot ang aktres nga si Dawn Zulueta gumikan kay lakip sab siya sa mi-post sa iyang entry alang sa #10YearChallenge. Gisumsuman karon sa internet ang hulagway niini kun diin tataw nga wala gyud mausab ang hitsura niini samtang nagka-edad.