Host na sa unang hirit?

CEBU, Philippines — Daghan ang nakuryoso kung mainstay na ba sa Unang Hirit ang uyab ni Catriona Gray nga si Clint Bondad. Niadtong Biyernes, mipatim-aw sa maong show si Clint ug daghan ang nakauyon sa hosting skills niini. Dako ang posibilidad nga makasulod kini sa maong show apan dili pa tataw og mahinayon ba. Kanhi na nga artista si Clint una pa midaog si Catriona sa Miss Universe. Una kini nga milugwa sa  pelikula nga “Girlfriend for Hire” niadtong 2016.

Wa napildi

Padayon gihapon nga naglawig ang serye nga Halik isip top rating series sa Primetime. Bisan pa man og gitigi kini sa koreanobela nga “My Golden Life” apan wala gihapon niini mapildi sa rating niini. Base sa Kantar Media, nakaangkon ang Halik og 24.9% samtang sng MGL nakakuha og 7.7%.

Nadungagan ang apo

Malipayon ang pagsugat ni Janice de Belen karong Pasko gumikan kay nadungagan na sab og laing miyembro ang ilang pamilya. Karong tuiga, nanganak na sab ang misis ni Luigi Muhlach nga si Patty sa ilang ikatulo nga liwat. Babaye ang ikatulo nga apo ni Janice ug gikalipay sa aktres nga wala pa miabot ang Pasko, nahimugso na ang maong bata.

Selos pagkauyab

Giangkon ni Ronnie Alonte nga  seloso gyud siya nga pagkauyab  ni Loisa Andalio. “Seloso po ako. Malala ako, madadala ko yung kantong ugali ko. (Kaya) iniiwasan ko at iniintindi ko na lang din siya”, suma pa ni Ronnie.

Gitiguman ang inahan

Importante alang kang Iñigo Pascual ang magtigom sa iyang kita sa showbiz. Plano ni Iñigo nga patukuran og balay ang iyang inahan nga si Donnabelle Lazaro.

Excited makatrabaho

Naghinam-hinam na si Dimples Romana nga makatrabaho pagbalik si Angel Locsin sa The General’s Daughter. Maingon nga close gyud silang duha sukad nga nagkauban sila sa serye sa Lobo. Mipost sab si Dimples sa iyang Instagram account sa dihang nagkita sila pagbalik ni Angel human sa pipila ka tuig.

Damgo mahimong beauty queen

Damgo ni Ina Raymundo niadtong 25 ka tuig na ang nakalabay nga mahimong usa ka beauty queen. Gani, tig-apilan sab siya og mga beauty pageant kaniadto una pa siya nahimong artista. Niadtong midaog sa Miss Universe si Catriona Gray, mihunong gyud kini sa taping sa Ngayon at Kailanman aron magpakuha og og hulagway nga nakasul-ob sa replica sa Mikimoto crown.

Di madayon

Dili na madayon og balhin sa Kapamilya network ang Kapuso aktor nga si Kiko Estrada. Wala pa mipagawas si Kiko sa iyang habig jun nganong dili na siya mahinayon sa pagbalhin. Apan miulbo karon ang espekulasyon nga gipugngan kini sa tigdumala sa Kapuso network.

Best entertainers of the year

Gipasidunggan sila Lea Salonga and Erik Santos isip Best Entertainers of the Year sa ALIW Awards karong tuiga. Nagtigi ang duha sa maong award apan nahukman nga silang duha ang midaog alang sa maong award. Ang maong pasidungog nga nakuha sa duha nagbase kini sa ilang gipakita nga mga live performances nga gipakpakan pag-ayo sa mga tawo.

Igsuon ni Gabby, brand ambassador na

Dakong garbo alang sa igsuon ni Gabby Eigenmann nga si Kylie Celebre ang malakip sa online video ad campaign sa usa ka sikat nga brand sa shampoo. “I feel beyond happy and accepted by many, especially in this age and day, there are a lot of discrimination going on in the Philippines. Thankful ako that Pantene really empowers the LGBT community because we need to spread awareness that no matter who you are, you are beautiful”, suma pa ni Kylie.