Costume ug script sa Darna usbon

CEBU, Philippines – Gibutyag  ni Direk  Jerrold Tarog   nga usbon gyud niya ang script sa pelikulang Darna nga pagabidahan ni  Liza Soberano.

Wala pa mahimamat ni Jerrold  si  Liza    kinsa busy sa laing pelikula kauban si Enrique Gil.

Matud pa sa direktor nga hatagan pa niya og lalom nga pagpasundayag ang subling paglupad ni Darna.

“Kasi kailangan ko ulitin ‘yung script na tinatrabaho nila Direk Erik Matti. So andon ako sa stage ngayon na kailangan ko siya i-rewrite,” saysay pa sa direktor ngadto sa ABS-CBN News.

Todo  usab ang  iyang pag-research   busa dako pa gyud ang trabahoon niini.

“Nagte-take off ako doon sa draft nila, so mula doon kailangan ko mag-research ng kaunti, so medyo may reset ng kaunti,” dugang pa sa direktor.

Kahinumdoman nga si  Jerrold ang gihulip sa  Star Cinema aron ipadayon ang  proyekto nga gisugdan sa direktor nga si Erik Matti.

Gawas sa script ,   duna pu’y usbon sa costume  ni Darna  .

“May mga gagawin pa kami na additional for the costumes, mas praktikal. Basta kasi mayroong design na ginawa ‘yung previous team, e medyo iba ‘yung gusto kong direksyon,” matud pa niya.

Nagtapok  ang mga rayna

Trending kaayo sa social media ang usa ka  hulagway  kung diin nag-uban ang unom ka former Miss Universe titleholders kauban ang  bag-ong nakoronahan nga Miss Universe nga si  Catriona Gray atol sa  coronation night niadtong Lunes didto sa Thailand.  Gi-post  kini mismo ni Miss Universe 2005 nga si Natalie Glebova ug kauban niya sa maong hulagway sila si  Gabriela Isler (2013), Denise Quiñones (2001), Lupita Jones (1991), Catriona Gray (2018), Iris Mittenaere (2016) ug Pia Wurtzbach (2015). “The Miss Universe reunion to celebrate the crowning of our new sister @catriona_gray Congratulations Philippines on another victory!,”caption pa ni Miss Natalie.

Kiray, Kapuso na!

Kumpirmado nang nibalhin sa GMA-7 si Kiray Celis human sa 19 ka tuig nga nagpasilong sa ABS-CBN. Nilugwa  si Kiray sa nahitabong storycon sa upcoming GMA-7 series nga Luv U 2 diin usa siya sa mga cast kauban nilang Jennylyn Mercado ug Gabby Concepcion.

Igong rason

Nagtoo si  Bea Alonzo nga may igong rason nganong wala nalakip isip official entry sa 2018 Metro Manila Film Festival ang horror movie nga gibidahan nilang Ms. Charo Santos-Concio nga nag-ulohan og  “Eerie.” Nalakip hinoon ang pelikula sa 29th Singapore International Film Festival niadtong Disyembre 3. “I’m sure they have their reasons and feeling ko mayroon ding rason sa parte namin para di mangyari yun. Baka it’s for the best,”sigon pa niini.

Mibalik sa pagkanta

Human sa tulo ka tuig nga nipahuway sa  showbiz, gibanhaw ni Faith Cuneta ang iyang karera pinaagi sa peg-perform atol sa Michael Learns to Rock Philippine Tour concert didto sa Araneta Coliseum. Nipahuway siya sa showbiz human naminyo ug nanganak . Mas nailhan siya kaniadto nga GMA-7’s Queen of Asianovela Theme Songs.

Nitipas og laing dalan

Nihimo og funny post si Ice Seguerra (o mas nailhan nga Aiza Seguerra) kalabot sa pag-apil niya kaniadto sa Little Miss Philippines sa Eat Bulaga! sama sa bag-ong Miss Universe nga si Catriona Gray. Niya pa, parehas silang beauty queen kaniadto nga bata pa sila apan nitipas lang siya og dalan karon nga nidako na siya. “Nag Little Miss Philippines din naman ako ah... #ibanglandas”komedya pa ni Ice.

Charot ni Ethel

Misuway og tubag ang komedyanteng si Ethel Booba sa mga pangutana sa Top5 contestants sa Miss Universe. Nalingaw kaayo ang netizens sa iyang “charot” answers.“Tagal kong tumira dyan sa Tondo di ko nabalitaan yang silver lining. Foil ba yan? Charot! Parang nakikita ko ang sarili ko sa kanya. Miss Albania sya sunod Miss Alabang ako. Charot!”komedya pa niini

Adunay scoliosis

Gipaambit sa beauty queen nga si Nicole Cordoves atol sa programang Tonight with Boy Abunda nga sa bag-o pa, naglisod matod pa si Miss Universe 2018 Catriona Gray sa paghimo sa iyang slow-mo twirl gumikan kay may scoliosis kini.”Prinactice niya po yan with ‘Kuya Caloy’ Buendia Jr. at may scoliosis siya. Yung first few practices nila talagang umiiyak siya,”sigon pa ni Nicole.

Mituldok sa isyu

Pinaagi sa usa ka selfie, gituldkan nilang Korina Sanchez ug Karen Davila ang tsismis nga daw dugay na sila nga wala nagtingog. “I guess urban legend can indeed precede reality. Karen and I have worked in ABSCBN together for decades. And there is no issue whatsoever, “caption pa ni Korina sa maong hulagway.

Gidayeg napud ni Tyra

Midayeg na sab ni Supermodel Tyra Banks ngadto sa bag-ong gikoronahang Miss Universe nga si Catriona Gray. Talagsaon matod pa ang gipakitang katakos ni  Catriona sa runway.“And OMG back at YOU! You did it! And that walk and confidence? I mean...NEXT LEVEL FIERCE!!! TyTy approves,”sigon pa ni Tyra

Hugyaw ang outfit

Nagstand-out ug nahimong couple of the night silang KC Concepcion ug boyfriend niini nga si Pierre Emmanuel Plassart gumikan sa hugyaw nga classic formal wear sa duha atol sa birthday party  ni Frankie Pangilinan. Gipistahan sa Instagram ang hulagway nilang duha.