Rachelle Ann napili nga best actress

CEBU, Philippines – Nakadawat og dakong award  si Rachelle Ann Go sa bag-ohay lang nga BroadwayWorld UK Awards 2018 ug siya maoy napili nga  Best Actress in a New Production of a Musical alang sa hugyaw niya nga performance sa broadway musical nga Hamilton.

Gianunsyo kini sa BroadwayWorld UK pinaagi sa ilang official website.

Nakadawat usab og rekognasyon  ang co-stars  ni Rachelle Ann nga sila si Gil Terera ( Best Actor) ug  Jason Pennycooke ( Best Supporting Actor).

Ang  Hamilton usab ang napili nga  Best New Production of a Musical award.  Gidala ni Rachelle Ann ang role nga Eliza sa maong musical play.

JM ug Arci suwayan

Magpares sila si JM De Guzman ug Arci Munoz sa upcoming series sa ABS-CBN nga dunay working title nga Kapalaran. Mao kini ang labing unang higayon nga magpares sa usa ka proyekto sila si JM ug Arci.  Tsika pa ni Arci nga komportable ra siya kang JM gumikan kay dugay na sila kaila niini sa dihang nag-eskwela pa sila kaniadto sa UP.

Kathryn gidayeg

Nilutaw og samot ang ka maayo moarte ni Kathryn Bernardo sa pelikulang Three Words to Forever nga gibidahan nila ni Richard Gomez ug Sharon Cuneta. Mapasalamaton si Kathryn sa mga positibong feedback nga iyang nadawat. 

Dili makapahuway

Giangkon ni Empress Schuck nga duna gyu’y mga higayon nga nakahunahuna siya nga moundang pagka-artista aron suwayan ang kinabuhi nga layo sa showbiz. Apan maglisod siya og balibad sa nagsagunson niya nga mga proyekto.  Busy karon ang aktres sa shooting sa pelikulang  Kahit Ayaw Mo Na sa  Viva Films .

Hangyo ni Mariel

Dili  ganahan si Mariel de Leon nga tawagon siya og beauty queen. Suma pa ni Mariel nga gusto lang siya og simpleng istado sa kinabuhi ug dili siya gusto nga malambigit pa ang iyang pangalan sa mga indigay sa kaanyag.

Mag-Pasko sa Amerika

Mobakasyon sa  Amerika sila si Liza Soberano ug  Enrique Gil karong Pasko.  Kahinumdoman nga sa Europe sila nanglarga sa miaging tuig.  Gusto sa duha nga lain-laing lugar ang ilang suruyon matag tuig.

Gitsismis

Wala pa gyud mahupas ang tsismis  nga matud pa dunay relasyon ang Asia's Next Top Model winner nga si Maureen Wroblewitz ug ang singer nga si Juan Karlos Labajo . Gitataw ni Juan Karlos nga higala ra gyud niya si Maureen.  Apan kun magkadayon man gani sila niini, himuon nila kini nga pribado.

Kontento sa tulo

Tsika pa ni Judy Ann Santos nga kontento na sila sa iyang bana nga si Ryan Agocillo sa ilang tulo ka mga anak nga sila si Yohan, Lucho, ug Luna. “Sakto kami sa tatlo. But for now, the realities kasi of raising a child at this day and age, medyo mahirap na siya as it is, parang hindi na siya practical,” suma pa ni Juday.

Nakabalik na

Nibalik na si Anne Curtis sa noontime show nga It’s Showtime. Kahinumdoman nga usa ka buwan nga nawala si Anne sa maong show gumikan kay nibakasyon sila sa iyang bana nga si Erwann Heussaff  sa laing nasud alang sa kasaulogan  sa ilang wedding anniversary.

New look

Plano ni Alden Richards nga usbon ang iyang hitsura karong 2019. Ganahan si Alden nga magpataas sa iyang bungot aron palahi napud.   Matud pa sa aktor nga angayan kini atngan sa iyang fans.

Gisudlan ang pagkanta

Nagmalaumon si Maris Racal nga molawig ra gyud sa umaabot nga mga adlaw ang iyang singing career.  Nasayran nga gawas sa pag-arte, gikabisihan usab karon ni Maris ang pagkanta.