Miss International 2018 Pambato sa Pilipinas, 1st runner-up
CEBU, Philippines – Napili nga 1st runner-up ang pambato sa Pilipinas nga si Ahtisa Manalo sa bag-ohay lang nga Miss International 2018 nga gipahigayon kagabii didto sa Japan.
Giila ang 21- anyos nga si Ahtisa isip “bunso” sa mga rayna sa 2018 Binibining Pilipinas . Usa siya ka accounting graduate ug nagikan sa Quezon.
Nakalangkat sa grand title ang representante sa Venezuela nga si Mariem Velazco kinsa nagsaulog usab kagahapon sa iyang birthday.
Ang 4th runner-up mao si Anabella Castro Sierra sa Colombia. Napili usab nga 3rd runner-up si Bianca Tirsin sa Romania. Samtang 2nd runner-up si Reabetswe Sechoaro sa South Africa.
Niabot ngadto sa 77 ka mga kandidata ang nisalmot sa maong prestihisyong indigay karong tuiga.
Si Kevin Lilliana sa Indonesia maoy nagkupot sa titulong Miss International sa miaging tuig.
- Latest