Target ang Kathniel
CEBU, Philippines — Gipangandoy sa sikat nga basketball player nga si Ricci Rivero nga makatrabaho puhon sila si Kathryn Bernardo ug Daniel Padilla. Nasayran nga gisudlan na karon ni Ricci ang acting world. Nalakip ang basketball star sa horror movie nga OTLUM nga kabahin sa Metro Manila Film Festival 2018.
Nakugang ang songbird
Tsika pa ni Regine Velasquez nga wala siyay gibuhat nga dautan busa nahibulong siya og maayo sa ubang tawo nga nagsige og saway sa pagbalhin niya sa ABS-CBN. Una na nga gibutyag sa singer nga nananghid siya og tarong sa pagbiya niya sa GMA-7. “Lumipat lang po ako ng network, hindi ako pumatay ng tao,” suma pa niya.
Go Janno!
Napanglantawan ni Janno Gibbs nga magpusot-pusot ang pag-arangkada sa iyang singing career ilabi na nga nibalik na siya sa poder sa Viva Artist Agency. Kahinumdoman nga suki kaayo ang mga kanta ni Janno sa mga teleserye kaniadto.
Pangandaman gyud
Target nila ni Jay R ug Mica Javier nga magpakasal karong 2020. Kahinumdoman nga engaged na ang duha dili palang dugay. Gusto nila nga duna’y taas nga panahon sa preparasyon sa ilang kasal. Suma pa ni Jay-R nga tiguman gyud niya ang maong espesyal nga okasyon.
Negosyante ang asawa
Busy kaayo sa iyang pagka-negosyante ang asawa ni John Estrada nga si Priscilla Meirelles. Suma pa nga mangunay gyud si Priscilla sa pag-atiman sa iyang mga negosyo. Todo suporta ra usab si Priscilla sa showbiz career sa iyang bana.
Bianca nanganak na
Gihimugso na ni Bianca Gonzalez ang ikaduhang anak nila ni JC Intal sa miaging gabii. Ang maong bata ginganlan nila og Carmen Eliana. Dili pa matino ni Bianca kun kanus-a siya makabalik sa showbiz gumikan kay ganahan gyud nga makaatiman og todo sa iyang anak.
Komunikasyon nagpadayon
Padayon ang komunikasyon sa kanhi magka-loveteam nga sila si Marlo Mortel ug Janella Salvador. Suma pa ni Marlo nga bisan taod-taod na sila nga wala mag-uban ni Janella sa usa ka proyekto, mag-kumustahay gihapon sila niini. Nagpasalamat si Marlo kang Janella gumikan kay nilugwa gyud kini sa iyang concert sa miaging gabii.
Makahilak gyud
Dili gyud malikayan ni Ejay Falcon nga mogawas ang iyang pagka-emosyonal basta hisgotan ang iyang mga igsuon. Nasayran nga si Ejay maoy nagpa-eskwela sa iyang mga igsuon hinungdan nga pinangga kaayo siya niini.
Responsableng amahan
Hands on father ang aktor nga si Derek Ramsay ngadto sa iyang 15 anyos nga anak nga si Austin nga kasamtangang nag-eskwela dinhi sa Pilipinas. Suma pa ni Derek nga lahi ra gyud kaayo ang bation kung kauban niya ang iyang anak.
Simpleng tubag
Nitubag lang si Pia Magalona og “Don’t worry” ngadto sa fans sa iyang anak nga si Elmo Magalona kinsa nangumusta sa aktor. Nasayran nga nagpakahilom gihapon si Elmo kalabot sa rebelasyon ni Janella Salvador nga gidapatan siya sa aktor kaduha na ka higayon.
- Latest