LJ at Paolo hindi pa rin puwedeng magpakasal
Sa January 2019 ay nakatakdang isilang ng Kapuso actress na si LJ Reyes ang magiging first baby nila ng boyfriend niyang actor na isa ring Kapuso na si Paolo Contis na karelasyon niya sa loob ng mahigit tatlong taon.
Si LJ ay may 7-year-old son sa kanyang ex-boyfriend, ang Kapamilya actor na si Paulo Avelino na si Ethan Akio o Aki. Si Paolo naman ay may dalawang anak na babae sa kanyang ex-wife na si Lian Paz na sina Xalene at Xonia na kasama ng kanilang ina sa Cebu with her new partner, ang cager-businessman na si John Cabahug. Ang couple ay meron na ring isang anak na babae rin, si Nina Angela.
As far as we know, hindi pa annulled ang kasal nina Paolo at Lian kaya hindi pa sila puwedeng magpakasal sa kanilang respective present partners.
Albert hindI nababakante
Mag-a-apat na taon nang biyudo ang 57-year-old actor na si Albert Martinez magmula nang sumakabilang-buhay ang kanyang asawang si Liezl Sumilang-Martinez of breast cancer nung March 14, 2015, pero hanggang ngayon ay wala pa sa plano nito na magkaroon ng bagong karelasyon and eventually remarry.
Mas focused ngayon si Albert sa kanyang acting career at sa kanyang mga anak (except for Alyanna na may asawa’t anak na at nasa Amerika) na sina Alfonso at Alissa.
Isa na ring grand dad si Albert, ang almost 9 months old na si Adalynn Riley, anak ng kanyang panganay na si Alyanna at mister nitong si Roy Macam na kamakailan lamang niya nakita nang siya’y dumalaw sa Amerika.
Samantala, masuwerte si Albert dahil hindi ito nawawalan na proyekto sa Kapamilya Network.
This year ay tatlo ang kanyang TV series. Nauna na rito ang Bagani na nagtapos sa ere noong August. At ngayon naman ay kasisimula lang last October 8 ng kanyang panghapong serye, ang Kadenang Ginto at kasama rin siya sa The General’s Daughter na pinagbibidahan ni Angel Locsin at kung saan din tampok sina Paulo Avelino, JC de Vera at Tirso Cruz III.
Vice inaabangan na kung matatalbugan Ang The Hows…
Although malayo pa ang December 25 na siyang simula ng 2018 Metro Manila Film Festival, ngayon pa lamang ay marami na ang nagbibigay ng kanya-kanyang prediction kung aling mga pelikula ang inaasahang maglalaban-laban sa takilya.
Tiyak na maglalaban sa Nos. 1 & 2 slots ang magkahiwalay na pelikula nina Vice Ganda din ang mangyayari sa darating na MMFF. Pero kailangang malagpasan ng movie ni Vice ang The Hows of Us nina Kathryn Bernardo at Daniel Padilla na dinirek ni Cathy Garcia-Molina na siyang may hawak ngayon ng highest grossing film of all time dahil ito’y kumita ng halos P800-M na tumalo sa 2017 MMFF movie ni Vice Ganda na Gandarrapido: The Revenger Squad na kumita naman ng P571-M sa takilya, making it the highest grossing film sa kasaysayang ng Metro Manila Film Festival.
- Latest
