Murphy angay mopakita og gilas
CEBU, Philippines — Giprangkahan sa kadagkoan sa San Miguel Beermen ang ilang bag-ong import nga si Kevin Murphy nga mopakita dayon sa iyang abilidad aron dili sayong ilisan.
Ang kanhi Utah Jazz player mohimo sa iyang PBA debut karong gabii batok sa Magnolia Hotshots sa alas-6:45 sa gabii human sa duwa tali sa NorthPort Batang Pier ug TNT KaTropa nga magsugod sa alas-4:30 sa hapon didto sa Smart Araneta Coliseum.
Si Murphy maoy gikuha nga replacement sa na-injured nga kanhi best import nga si AZ Reid, apan ang coaching staff sa Beermen mitug-an nga wala pa kaayo nila maklaro ang abilidad niini.
Si Murphy nakaensayo lang og usa ka adlaw uban sa Beermen human kini miabot niadtong Huwebes. Nanghinaut si Beermen coach Leo Austria mopakita dayon sa iyang katakus si Murphy ilabi na dili pa kaduwa si JuneMar Fajardo ug wala pa sa'y klaro kun makaduwa ba sila si Alex Cabagnot ug Marcio Lassiter tungod sa minor injuries.
- Latest
