Giandam ang lawas

CEBU, Philippines — Nagpa-sexy og pag maayo karon si 2016 Miss International Kylie Verzosa alang sa  upcoming projects niini. “Yes meron,  siguro mas pumapasok na kasi ako ngayon sa movies screen, sa TV, so siyempre sa screen pagnakita mo ang sarili mo na parang kailangan na mag-lose pa ng weight, so pinaghandaan ko talaga,” asoy pa ni Kylie.

Explain pa more!

Nihatag og katin-awan ang aktor nga si Carlo Aquino kalabot sa pagbisita sa iyang mga ginikanan ngadto sa panimalay sa ex-girlfriend nga si Angelica Panganiban. Tungod niini, mas nidako ang pagduda sa publiko nga nagbalik na ang duha. “Dumalaw lang. Kasi pupunta ako sa airport, kukuhanin ko yung pusa ko. Si Angelica kasi ang nag-alaga ng ilang araw. Para hindi ko na ihatid sina Mommy sa bahay, ‘tapos bumalik ulit, dumaan na kami,” pasabot pa ni Carlo.

Unsa man gyud?

Giklaro sa aktor nga si Gabby Concepcion nga wala gyud niya balibari ang reunion project unta nila sa ex-wife nga si Sharon Cuneta. Kahinumduman nga nag-post si Sharon nga dili na mahinayon ang ilang reunion movie ni Gabby.”I never said no to the project. Hinihintay ko na nga ang movie namin. Sana matuloy. Marami lang na tinatahi,” matud pa sa aktor.

Grabeng kaguol

Gipaambit sa character actor nga si Ced Torrecarion nga kadaghan na siya nisuway og hikog tungod sa nag-abot-abot niyang problema sa kinabuhi. Nagpasalamat matod pa siya ngadto sa iyang pamilya kinsa wala nibiya kaniya ug nitabang pagsulbad sa iyang problema. “That time kasi, I had a daughter na kasama ko from time to time, na inilayo na sa akin. I was working but I wasn’t pero nagkaroon ako ng anxiety attacks,”hinumdum pa niya.

Excited na

Nagpanikad na matod pa si Maestro Ryan Cayabyab sa umaabot nga “Pinoy Playlist 2018: Ito Ay Atin, Sariling Atin” diin mag-uban sulod sa unom ka adlaw ang Pinoy performers aron magpasundayag og all-Filipino musical compositions. “Iba-ibang mga performers, merong galing sa Visayas Music Festival. So, it’s just exciting just to be there, kasi makikita mo electrifying, e,”sigon pa niini.

Pinoy pride!

Nag-trending karon sa social media ang usa ka Pinay University president sa Estados Unidos nga si Astrid Tuminez, kini human nigamit og unom ka nagkalain-laing linggwahe atol sa iyang welcome speech atubangan sa mga estudyante sa Utah Valley University (UVU). Usa sa iyang gilitok nga pinulungan mao ang Ilonggo,sanglit lumad man siya nga taga Ilo-ilo City.Sa pagka-karon, aduna nay 300,000 nga views ang maong video.

Mahalon ang regalo

Giregalohan ni  Dominigue Cojuangco ang inahan niya nga si Gretchen Barretto og Gucci GG Marmont velvet shoulder bag nga nagkantidad og $1,200 o Php65,000. Mao kini ang “Get well soon gift” ni Dominique ngadto sa iyang inahan kinsa nagpaayo karon sa iyang grabeng ubo ug sip-on. Gihatagan sab si Gretchen og pahumot sa sikat nga cosmetics brand nga may kantidad nga Php12,746.

Mitubag sa pasangil

Gitubag sa inahan nga si Raquel Pempengco ang pasangil sa iyang anak nga si Jake Zyrus, nga daw kinulata kini ubos sa iyang mga kamot. Napatik sa libro nga gisuwat ni Jake ang maong pasangil ug gitawag ang inahan nga “evil queen” ug “abusive mother”. “Sira-ulo lang ang bibili ng libro dahil sira-ulo ang gumawa,” sigon pa ni Mommy Raquel.

Dili lagi modagan!

Giklaro sa Queen of All Media Kris Aquino nga dili gyud siya modagan pagka-senador karong umaabot nga 2019 National Election. Kini human nalakip iyang pangalan sa Top 20 nga senatorial survey sa  Pulse Asia. “Hindi po ako tatakbo sa Senado sa 2019,” pagklaro pa ni Kris.

Hugyaw ka Heart!

Wala’y puas ang pagsidlak sa bitoon ni Heart Evangelista sa international scene. Labing lab-as niining kalamposan mao ang paglakip niya sa Kate Spade New York’s favorite faces sa nahitabong New York Fashion Week niadtong September  21 didto sa Estados Unidos. Gawas ni Heart, nalakip sab sa maong listahan silang Priyanka Chopra, Kate Bosworth, Gillian Jacobs, Elizabeth Olsen, Julia Jones ug Suki Waterhouse. Kahinumduman nga niadtong Agosto kay nalakip si Heart sa listahan sa “Real Crazy Rich Asians” atol sa Paris Fashion Week.