Abtikay gyud

Domingo na usab ania na ang inyong paboritong BisChika! Ano na? Unsa man gyud ang inyong nadunggan nga Christmas songs karun? Kapaspas sa dagan sa adlaw mura’g ang Pasko duol na lang kaayo  ug ang parehas nako nga #BuhayTalent dasig lang kay wala man ta’y mga 13th month pay o bonus . Ang importante adunay raket dahil doon tayo nabubuhay! Hahahahaha! Bisag holiday o gusto ka mopahuway apan go with the flow lang gihapon kay sayang ang mga ginagmay nga mga raket kon imong tapukon makabayad na sa mga bills sa balay mao nga wala mi ni reklamo apan amo nang gi-welcome ang month of raket busa pag early booking namo intawon! Hahahhha!

* * *

Speaking of booking, ania na ang inyong paboritong Kinsa Siya? Krispy pa sa manok sa Colon ang mga chesmez nga giandam sa inyong Mother Butanding ug sa iyang mga Kinsa Siya Insider! Duha ka dakong network ang nag-inilugay sa usa ka life story sa usa ka bag-o lang nga nakadaug nga Sugbuanon. Kining usa ka Bisdak nakahatag  og dakong garbo dili lang sa Cebu apan sa tibuok nasud. Kinsa man ang magdahum sa inyong gitawag nga lingaw-lingaw, unya ang ilang lugar nga praktisan naa sa mga kadalanan maoy nakapausab sa iyang kinabuhi. Tungod sa maong kadaugan, abtik kaayo ang duha ka network sa pagkuha sa iyang life story apan kinsa man gyud ang mas abtik? And the winner for best in abtik kay ang network nga ang host nila labing dugay na nga drama anthology sa telebisyon. Kay sa dihang na BisChika sa atong Kinsa Siya Insider ang usa ka network kay mao pa ang pagtawag niini sa subject pero ang usa ka network kay molarga na ang writer para interviewhon ang subject. O di ba? Abtik pa sa tanang abtik? Kinsa ang duha ka dakong giant network? Ang unang musulod sa imong hunahuna kay sakto ka! Kinsa man nga life story ang giilogan? Bag-ong naabot gikan sa laing nasud nga ni compete. Sakto gihapon ka! Hhahahahhaha!

* * *

Sa laing bahin, kadaugan gihapon nga BisChika. Nauli na sa Sugbo si Norton Hao Cuenco ug bitbit ang titulo nga the first ever ULTIMATE MAN OF THE PHILIPPINES 2018  nga didto gipahigayon sa SIKAT Event Hall sa Tomas Morato Quezon City. Nalangkat usab niya ang Special Awards sama sa Familia Banal Choice, Best Talent, Mister Physique. Congratulations!