Alden motikang sa Cebu
CEBU, Philippines — Makighimamat sa iyang Cebuano fans ang Kapuso Prime actor nga si Alden Richards isip kabahin sa promosyon sa serye niya nga Victor Magtanggol sa GMA-7.
Mahitabo kini ugmang adlawa, September 2, sa Gaisano Grand Carcar (3pm) kung diin makauban ni Alden sila si Andrea Torres, Janine Gutierrez, ug Pancho Magno. Pagasundan dayon kini sa laing mall show nga mahitabo sa Gaisano Grand Fiestamall Tabunok (5 p.m.)
Nasayran nga nagkalain-laing dapit sa nasud ang gibisita ni Alden alang sa promosyon sa Victor Magtanggol.
Pinoy celebrity sikat sa Indonesia
Usa na ka celebrity sa Indonesia ang Pinoy singer nga si Leo Consul. Si Leo kanhi host sa show sa ABS-CBN Baguio.
Matud pa ni Leo wala niya damha nga mabungahon ang iyang karera sa Indonesia. Nasayran nga produkto usab siya kaniadto sa Star Struck sa GMA-7.
Istorya pa niya nga mitikang siya sa maong nasud aron mahimong usa ka magtutudlo ug human sa unom ka buwan, gibiyaan niya ang maong trabaho.
“Iniwan ko ang pagtuturo kasi na-discover ako sa Indonesia. Sabi nila puwede kang mag-showbiz, baka kumakanta ka or what. Then I joined auditions and stuff”, suma pa niya atol sa interview kaniya sa Umagang Kay Ganda.
Dugang pa ni Leo nga nahimo na siya nga host sa iyang kaugalingong programa ug nalakip sab siya sa mga nagkadaiyang proyekto human siya madiskubre ug nakabaton gyud siya og teleserye.
“From there, nag-host ako ng sarili kong show. I did my teleserye sa Indonesia. And now, kaka-release lang po namin ng single ko sa Indonesia which is ‘Ikaw’ ni Yeng Constantino. May Tagalog din. Tagalog at Bahasa ay minix namin. Ang mga Indonesians mahilig din po sila sa mellow, sa ballad. So, madaling pumatok sa Indonesia. In fact nag-No.1 kami sa isang radio station sa Indonesia last week lang”, detalye pa ni Leo.
Sa pagkakaron, adunay gikatakda nga show ni Leo sa laing dapit sa Asya ug Estados Unidos.
- Latest
