Title ng serye ng MayWard, recycle na?!

VM kay Ruru sana!

SEEN: Ang balita na para kay Ruru Madrid ang Victor Magtanggol at Sherlock, Jr. ang television project para kay Alden Richards pero pinili nito (Alden) ang drama-action fantasy na nagsimula noong Lunes.

SCENE: Pinatotohanan ng isang aktor na nag-training na noon si Ruru Madrid para sa Victor Magtanggol pero nagbago ang plano dahil ang Sherlock Jr. ang project na ibinigay sa kanya ng mother studio niya.

SEEN: Pinupuri ang pagganap ni Bela Padilla sa The Day After Valentine’s, ang official entry ng Viva Films sa 2nd Pista ng Pelikulang Pilipino. Kung magbibigay ng Best Actress award ang mga organizer ng PPP, malaki ang posibilidad na manalo si Bela. Graded A ng Cinema Evaluation Board (CEB) ang pelikula.

SEEN: Iilan na lamang sa mga personalidad sa showbiz industry ang nakaalaala na kahapon ang unang anibersaryo ng kamatayan ng feisty entertainment columnist at talent manager na si Alfie Lorenzo. Heart attack ang dahilan ng pagpanaw ni Alfie noong August 1, 2017.

SCENE: Honey My Love: So Sweet ang working title ng television series ng ABS-CBN na pagbibidahan sa unang pagkakataon ng loveteam nina Maymay Entrata at Edward Barber. Pamagat ng hit song ng April Boys at ng 1999 movie nina Antoinette Taus, Dingdong Dantes, Polo Ravales at Sunshine Dizon ang Honey My Love: So Sweet

SCENE: Ang Patay na si Hesus director na si Victor Villanueva ang direktor ng reunion movie nina Sam Milby at Toni Gonzaga na unang nagtambal sa blockbuster movie na You Are The One noong 2006. Si Villanueva ang direktor ng Kusina Kings, ang comedy movie nina Zanjoe Marudo at Empoy Marquez.