Oras sa lovelife

Anaa gihapo’y oras sa lovelife ang Kapamilya hunk nga si Zanjoe Marudo bisan og busy  ang schedule niini tungod sa gibidahan nga duha ka pelikula nga “To Love SomeBuddy” ug “Kusina Kings”. Tug-an pa ni Zanjoe nga anaa sila sa “getting to know each other” stage sa model-surfer nga si Josie Prendergast.

Dili scripted

Gilimod ni Direk Lauren Dyogi ang taho nga matud pa scripted ang pagkuha sa housemates sa Pinoy Big Brother. Matud pa ni Direk Dyogi nga ang  housemates gipaagi gyud kini sa husto nga proseso ug dili kini nila pinili daan.

Swerte kang Alyssa

Gitug-an ni Keifer Ravena nga nahadlok siya nga buwagan sa iyang girlfriend nga si Alyssa Valdez human mikatap sa miaging tuig ang nude photo nga matud pa siya kadto ang anaa sa maong hulagway. Apan swerte gyud siya  kang Alyssa tungod kay naa  kini sa iyang kiliran ug wala  gyud mausab ang paghigugma niini ngadto kaniya.

Tubag ni Kris

Wala gyuy pugong-pugong sa pagtubag si Kris Aquino kalabot  nilang duha ni Mayor Herbert Bautista. Gipangutana si Kris kun aduna ba’y puruhan nga magbalik pa silang duha sa mayor. “ I don’t think we ever really began – so walang babalikan… if the question was kung gugustuhin kong to meet HB all over again NOW – then the answer would be a YES”, tubag pa ni Kris.

Mahadlok mobalik

Gibutyag ni Pops Fernandez nga gimingaw na gyud siya sa pag-perform sa entablado apan mahadlok siya nga mobalik sa maong buhat gumikan kay basin og wala nay motan-aw sa pasundayag. Taud-taud na nga mipahuway si Pops sa showbiz ug nakapokus na siya sa iyang mga negosyo karon.

Ambot lang

Pareho ra nangambot ang mga ginikanan ni Maris Racal nga sila si Loenides ug Henry kun uyon ba sila nga mauyab ni  Maris ang  onscreen partner niini nga si Inigo Pascual. Pulong sa inahan ni Maris nga salig ra siya sa mahimong desisyon ni Maris kun pilion niya nga ikarelasyon si Inigo. Samtang ang iyang Daddy Henry nilenggua og,” "Sa totoo lang, bilang artista ini-idolo ko siya. Pero kung ganun ang sitwasyon, ewan ko.”

Dili magparetoke

Gipasalig ni  Miss Q&A winner  Juliana Parizcova Segovia nga dili gyud siya magparetoke bisan og aduna na siyay ikagasto alang niini. “One thing is for sure -- walang mababago sa mukha ko kasi ito na 'yung minahal nila e. Ito na 'yung nagdala sa akin sa kung nasaan ako ngayon kaya dito lang siya, ganyan lang,” suma pa ni Juliana.

Gisapot sa agency

Gi-post ni Saab Magalona sa iyang social media account ang iyang kasuko ngadto sa  ahensiya nga nga maoy naghupot sa  yaya sa iyang anak nga si Baby Pancho. Matud pa ni  Saab nga kanhi usa ka OFW ang iyang gikuha nga katabang.  Nangita si Saab og valid passport niini apan wala kini mohatag gumikan kay matud pa sa katabang , naa kini sa ahensya ug dili kini ma-release kun dili makabayad og 5k alang sa medical exam. Gitawagan ni Saab ang maong ahensiya ug wala kini tubaga og tarong.

Reaksyon ni Anne

Mi-react gyud si Anne Curtis-Heussaff kabahin sa pagkwestyon sa iyang sinseridad sa pagtabang ngadto sa mga nanginahanglan. Matud pa sa netizen  nganong mangayo pa si Anne og donasyon sa ubang tawo nga mamahimo ra man nga mo-donate ang Kapamilya host sa iyang kaugalingong kwarta ngadto sa organisasyon nga iyang gisuportahan. “At least may ginagawa kami. Hindi nganga and puro complaining on social media instead of doing something”, suma pa ni Anne.