Si Alden ang gipili

Nangayo og pasaylo si Kris Aquino sa iyang diretso nga tubag sa pangutana kon posible ba nga ma-inlove siya ni Joshua Garcia kun ugaling kaedad niya ang karelasyon niini nga si Julia Baretto. “Joshua, don't hate me, ha. Kung ka-age lang ako ni Julia... Sorry ABS-CBN, don't hate me for this answer—si Alden ang pipiliin ko. Sorry po. I apologize. No offense to everybody here. Huwag kayong magalit sa akin. Pero kasi ang kay Julia, kay Julia na. Si Alden, libre pa", pagpasabot ni Kris.

Gikakita ang idolo

Gituyo gyud og pakigkita sa Kapamilya aktor nga si Aljur Abrenica ang iyang giidolo sa fitness routine nga si Jeremy Buendia. Si Jeremy usa ka Filipino-American nga four-time titleholder sa Men's Physique sa Mr. Olympia kinsa mibisita dinhi sa nasud aron mopabuhagay sa iyang mga nakat-unan mahitungod sa bodybuilding.

Sa escalator nag-perform

Gidumog gyud sa fans ang mall show sa Kambal Karibal star nga si Kyline Alcantara sa Pampanga. Tungod sa kahuot, sa escalator na lamang siya ni-perform tungod kay wala na siya’y kaagian paingon sa stage. Gani, aduna sa’y nakuyapan sa audience apan gipili niya nga magpabilin sa venue tungod kay gusto niya sutaon nga maayo na ang kahimtang sa iyang fans."Just to check 'yung mga nahimatay po. Makikita niyo po talaga 'yung pagsu-sway ng audience sa sobrang sikip. And naaawa po ako syempre sa kanila", suma pa ni Kyline.

Drama series ang unahon

Naghinam-hinam na gyud ang Kapuso aktres nga si Jasmine Curtis-Smith nga mobalik sa pag-arte sa telebisyon. Matud pa niya nga nakahan-ay na tanan niya nga mga proyekto sa maong network ug una sa mga listahan sa mga proyekto nga iyang pagabuhaton mao ang usa ka drama series nga pagasugdan na nila og gama sa dili madugay.

Unahon ang mga career

Bisan pa man og maayo na ang dagan sa relasyon nila ni Pia Wurtzbach ug Marlon Stockinger, giangkon ni Pia nga wala pa gyud sila’y plano ni Marlon nga magminyo. Matud pa ni Pia nga wala sila magdali sa pagdesisyon nianang butanga. “Well not in the near future no. We’re not there yet. I still feel like we want to achieve a lot individually. Wala pa yun. Marami pa kaming plano individually. Marami pa kaming gustong ma-achieve. Ako sa career ko and siya sa dun sa racing career niya,” esplikar pa ni Pia.

Nibalik sa Pinas

Sa pagbalik sa nasud sa Asia's Nightinggale nga si Lani Misalucha, maingon nga mibalik na sab siya isip Kapuso. Tsika pa ni Lani nga ang hinungdan sa iyang pagbalik mao ang mahimo siya nga hurado sa umaabot nga singing competition nga The Clash. Kauban niya nga mahimong hurado sila si Comedy Queen Aiai Delas Alas ug Asia's Romantic Balladeer Christian Bautista.

Mag-beauty queen puhon

Giangkon sa Kapamilya star nga si Kisses Delavin nga bukas siya sa mga oportunidad nga mosalmot og mga national beauty pageant sa tukmang panahon."I would be honored. Maybe soon when I finish my studies. Mahilig ako mag-pageant. Since bata ako, mahilig na ako. So why not? Maybe in the future. I will just let life surprise me”, suma pa ni Kisses.

Gidayeg ang kaanyag

Gidayeg sa Kapamilya teen star nga si Maris Racal ug sa anak ni Megastar Sharon Cuneta nga si Frankie Pangilinan ang kaanyag sa Kapuso star nga si Gabbi Garcia. Sa hulagway ni Gabbi nga kuha atol sa iyang pagbakasyon sa Hawaii, makita nga lutaw gyud ang natural nga kaanyag.

Lahi nga Erich

Tsika pa sa direktor nga si Richard Somes nga lahi nga Erich Gonzales ang makita sa umaabot nga bidahan nga pelikula niini nga “We Will Not Die Tonight”. “Grabe! Ginulat niya din ako doon pagdating sa major stunts. Ang emotional journey niya din na-amaze ako kasi that time she was so busy sa paggawa niya ng ibang movie but when she came to the set she is so prepared doing her stunts 8 to 10 hours a day for 8 days,” panghambog pa ni Direk Richard.

Anad na sa ldr

Naanad na lamang ang komedyante nga si Rufa Mae Quinto sa Long Distance Relationship tungod kay matud pa niya nga wala kanunay sa iyang kiliran ang iyang bana nga si Trevor Magallanes. Tsika pa ni Rufa nga kasamtangang anaa si Trevor sa Amerika aron manginabuhi.  Suma pa ni Rufa nga dakong tabang ang teknolohiya aron kanunay niya nga mahinabi ang iyang bana ug ma-update nila ang usa'g-usa.