John Lloyd nag-iba na pati image

Ibang iba nga ang image ni John Lloyd Cruz. Kahapon nang umapir siya sa hearing para sa kasong child abuse and cybercrime sa Pasig Regional Trial Court ni Ellen Adarna, kapuna puna ang dala niyang shoulder bag na black na may drawing sa harap. Hindi na signature bag or yung ini endorse niya, kundi parang pang ordinary folk or parang artist na ang dating.

Baka nga ito na ang gusto ng actor, ang maging one of us na lang at hindi na ang da­ting tinitilian na John Lloyd. Simple and natural.

Baka talagang nagsawa na siya sa attention na binibigay ng fans sa kanya.

Dingdong handa na sa Amazing Earth

Siguradong maraming mamamangha sa pinakabagong programa ni Dingdong Dantes na malapit nang ipa­labas sa GMA Network—ang Amazing Earth. Wow parang nakaka excite dahil sa title pa lang, parang   kakaibang adventures na ang inihanda ng Kapuso Primetime King. Ayon pa sa direktor nitong si Rico Gutierrez, handang-handa na nga silang dalawa ni Dong na umpisahan ito.

Ano nga kaya ang masasaksihan ng Kapuso viewers sa programang ito?

Anyway, As of presstime, almost P130 million na ang kinita ng pelikula nina Dingdong and Anne Curtis na Sid & Aya.