Salamat, Maria Siquijor!

Happy Sunday kanatong tanan mga KaBisChika!!! Back to School na mga mother ug mga parehas nako nga feeling mother medyo maglabad na usab ang ulo kay sa mga palitunon sa eskwelahan ug ang inadlaw-adlaw nga balon sa mga bata. Mao nga karun pa lang  angayan nga aduna na kita’y plano kon unsa ang mga mahitabo sa pagsugod sa klase. Usa na niini ang pag-budget sa kwarta. Mao nga sa mga mother nato diha… Goodluck ug dasig lang gyud!

Hugyaw kaayo ang bag-o lang nahuman nga Kapuso Fiesta featuring Gabby Concepcion, Donita Nose ug Boobay didto sa Maria, Siquijor. Unang higayon sa GMA Regional TV nga mag-show sa maong lugar. Bisan paman nga ang pagbiyahe padung sa Maria, Siquijor dili sayon, kauban ang among GMA Station Manager nga si Miss Ann Marie Tan, Kent Pepito, Philip Patricio, Tatzkie Chavez, Glenn Boise ug Yur’s truly,  ang among team malipayon kaayo nga motikang sa Mystic Island para mohatod sa mga Kapuso nato sa Maria,Siquijor ug Kalingawan, Kalipay ug Katawa!

Hugyaw lang ang biyahe kay presko kaayo ang hangin, unya pila lang ka oras, mag-emote emote lang.. Pak! Maabot na ka sa imong destinasyon. Derecho na dayon ang among team sa usa sa mga hugyaw nga resort sa maong lugar ang Coco Groove Resort.

Pagkagbie, mainiton kaming gidawat sa  mga kapuso nato sa Maria, Siquijor. Showcase usab kini sa mga talents sa maong lugar ang pag-jam sa eight bands ug ang mga cute kaayo nga mga baby boy dancers nga nihataw sa dance floor. Nanghatag usab kami og mga premyo pinaagi sa among mga games. Sa dihang nagsugod na og lugwa ang atong mga kapuso stars halos mabungog ka sa mga singgit sa mga kapuso nato sa Maria, Siquijor. Nagpakatawa si Boobay dayun nisunod si Donita Nose nga maayo kaayo mo binisaya kay taga Davao man kini. Mas naHuygaw pa gyud sila sa dihang nag-join forces si Boobay ug Donita pinaagi sa ilang mga jokes! Nisakit ang ilang apapangig og kinatawa! Hahahahhaha! Mas niinit ang kagabhion sa paglugwa ni Gabby Concepcion pinaagi sa iyang harana. Sa ikaduhang kanta, with matching dance number kuyog ang audience, ang complex napuno sa pakpak ug singgit kay game kaayo si Gabby nisayaw ug nagpa-picture! Ang maong Kapuso Fiesta show nahuman ug ala una y medya sa buntag. Hugyaw di ba? Unya gutom naman pagkahuman sa show mao nga derecho dayon kami sa balay ni Mayor Asok ug best in lafang kaayo ang among beauty kay happy fiesta gyud ang handa!

Mao nga Happy Fiesta Maria, Siquijor!!!