Nagmabdos gyud?
CEBU, Philippines — Nikatap karon sa social media ang baby bump photo ni Ellen Adarna nga kuha sa usa ka netizen samtang nagbakasyon ang aktres kauban ang uyab niini nga si John Lloyd Cruz didto sa Amanpulo, Palawan. Tataw sa maong hulagway nga dako na og tiyan ang sexy actress sa gisabak niining bata. Kahinunduman nga na balita na sab nga didto sa Singapore gikatahong nanganak na si Ellen.
Throwback ra diay
Midepensa sa iyang kaugalingon ang young hunk actor Diego Loyzaga human gitabangan og away sa netizens nunot sa gi-upload niyang hulagway nga kuha didto sa bakasyon niya sa Boracay. Giklaro sa aktor nga throwback photos kadto iyang gi-upload nga mga hulagway ug dili bag-o. Nasayod matod pa siya sa nahitabong rehabilitasyon sa maong isla.
Dili una
Gipahibalo sa Department of Tourism Secretary nga si Bernadette Romulo-Puyat nga dili una mo-host ang Pilipinas sa upcoming Miss Universe 2018, sukwahi sa tsika sa mga niaging opisyales sa DOT nga sa Pilipinas ilusad ang labing prestihiyoso nga pageant sa tibuok kalibutan. Matod pa ni Puyat, kinahanglan una magpokus ang ahensiya karon sa pagsulbad sa giatubang krisis niini.
Kever sa wala na kauyon
Gibutyag ni Hashtag member Jameson Blake nga kever ra siya sa ubang fans nga misupak sa panagpares nila sa aktres nga Janella Salvador. "That’s their opinion so I won’t let it affect me. I can’t control it eh,” pasabot pa sa Fil-British actor.
Sa US ipadayon
Gikatakdang molupad sa United States ang bag-ong sulbong nga singer nga si Claudia Barretto aron ipadayon ang iyang karera isip recording artist. Kahinumduman nga nipirma og kontrata sa Universal Records ang anak sa showbiz royalties nga silang Marjorie Barretto ug Dennis Padilla.
P2.2 billion gasto’s security!
Niabot og $45.8 million o P2.4 billion ang nagasto sa Royal Family sa nahitabong kasal nilang Prince Harry ug Meghan Markle niadtong Sabado. Sigon pa sa U.K.-based wedding app nga Bridebook, ang labing dako nga gigastohan sa maong kantidad kay mao ang seguridad sa tanang nitambong sa kasal diin niabot og P2.2 billion.
Gihulipan na
Gikumpirmar ni Jameson Blake nga gihulipan na ni Markus Paterson si Jerome Ponce alang sa karakter niini sa upcoming movie nga "Ang Babaeng Allergic Sa Wifi" nga pagabidaban ni Sue Ramirez. “We just started. Dapat kasama ko si Jerome Ponce pero hindi na namin siya kasama. Si Markus Paterson na yung kasama ko doon," sigon pa ni Jameson.
Gisaaran ni Kris
Gisaaran sa Queen of All Media Kris Aquino silang Joshua Garcia ug Julia Barretto nga siya ang mobayad sa ticket sa magka-love team padulong sa New York kun mopatok sa masa ang gibidahan nilang pelikula nga “I Love You Hater". Pangandoy matod pa sa JoshLia nga makatikang sa Big Apple sa New York.
- Latest