Pagiging baklain ni Bimby nadidiin dahil kay Kris

Limot na sana

SEEN: Nakalimutan na ng mga tao ang pagtawag ni Jay Sonza na baklain si Bimby Yap pero binuhay ni Kris Aquino ang isyu dahil sa galit niya kay James Yap. Kawawa si Bimby dahil siya ang nadidiin sa away ng mga magulang niya na dapat na nagpoprotekta sa kanya.

SCENE: Wala si Maricel Soriano sa grand presscon ng My 2 Mommies ng Regal Entertainment Inc. noong Sabado pero importante ang role niya sa pelikula nina Solenn Heussaff at Paolo Ballesteros. Tiya ni Paolo at hindi mommy ang role ni Maricel sa My 2 Mommies.

SCENE: Mag-uumpisa na ang construction ng dream house ni Rocco Nacino sa Antipolo City kaya masipag na masipag siya sa pagtatrabaho. Malapit sa bahay ni Xian Lim ang ipinatatayo ni Rocco na dream house.

SEEN: Macho dancer at hindi “mujer” ang role ni Mark Bautista sa Abay Babes, ang drama comedy movie ng Viva Films. Mali ang akala na nagbihis babae si Mark sa bagong movie assignment niya.

SCENE: Fully made up ang sexy star na si Gwen Garci habang namimili sa isang supermarket sa Pasig City. Napansin ng mga usisero na hindi masyadong gumagalaw ang mukha ni Gwen.

SEEN: Ngayon ang huling Lunes sa telebisyon ng Sherlock Jr., ang primetime teleserye ni Ruru Madrid na magtatapos sa Biyernes, April 27.  Tumagal ng one season ang Sherlock Jr.

SCENE: Kahapon ang 48th birthday ni Regine Velasquez at nag-celebrate kahapon si Gary Valenciano sa ASAP ng 35th anniversary niya sa entertainment industry. Mga music icon sa Philippine showbusiness sina Gary at Regine.