Naglisod sa karakter
Giangkon ni Erich Gonzales nga naglisod siya nga modala sa tulo ka karakter sa serye nga ‘The Blood Sister’. "Kahit ako hindi rin makapaniwala. Basta pagdating sa taping, siyempre ikinakasa na natin ang sarili natin. Sini-send na po sa akin beforehand 'yung sequence guide. Imagine, in one sequence, 'yung triplets magkakasama. Tapos emotionally draining siya, physically [draining]. Pagod po talaga", suma pa ni Erich.
Nausab gyud
Usa ka dekada na nga nanikaysikay ang TV host nga si Robi Dominggo. Gibalik-lantaw niya ang iyang kagahapon sa dihang nagsugod pa lang siya sa showbiz. Matud pa niya nga lahi na gyud siya sa dihang nagsugod pa lang siya gumikan kay niadtong anaa pa lang siya sa Pinoy Big Brother house, mauwawon ug wala kaayo siya’y alamag sa mga kasikas sa komunidad gumikan kay naa ra siya sa balay ug magbasa ra og libro.
Mugna ni Nadine
Mapasigarbuhong gipahibalo ni Nadine Lustre nga aduna na siya’y kaugalingon nga cosmetic line nga hagbay ra gyud niya nga gipangandoy. Gitawag niya kini og ‘LustrousPH’. Matud pa ni Nadine nga namugna ang maong ideya tungod kay kanunay siya makadawat og pangutana kon unsa ang iyang sekreto sa iyang everyday look.
suportado sa gf
Mapasalamaton ang singer nga si Jake Zyrus sa iyang girlfriend nga si Shyre Aquino tungod kay all out gyud kini nga misuporta kaniya sa tanan niyang kasikas sa kinabuhi ilabi na sa iyang karera. Matud pa ni Jake nga maayo ra gyud ang dagan sa ilang relasyon tungod kay dili kini selosa .
Proud dad
Usa gyud ka proud dad ang Kapamilya star nga si Jericho Rosales gumikan kay migradwar na sa high school ang iyang anak nga si Santino. Sa interview sa Push.com, gipadayag ni Jericho proud gyud siya kang Santino gumikan kay nihatag gyud kini og dakong oras sa pag-eskwela bisan pa man sa mga offer nga nadawat niini sa showbiz.
Cosmetic boutique
Gikalipay og maayo ni Anne Curtis nga makabukas na gyud siya sa iyang labing una nga cosmetic boutique alang sa iyang kaugalingon nga makeup brand nga BLK Cosmetics. Suma pa ni Anne nga gilinyahan dayon kini sa mga tawo sa pagbukas niini sa miaging adlaw.
Kompirmasyon sa issue
Naukay na usab ang netizens sa nikatap nga video diin makita ang nagkadako na nga tiyan ni Ellen Adarna. Ang maong video nagdagan kini nga nagtayhop ang aktres sa iyang birthday cake. Magsaulog na si Ellen sa iyang 30th birthday karong April 2 apan gihimo na sa miaging adlaw ang early birthday party alang kaniya.
Wala na gyud
Gipahibawo ni Megastar Sharon Cuneta nga nagkahanap na gyud ang posibilidad sa subling panag-uban nila ni Gabby Concpecion sa usa ka pelikula. “Guys, I am sorry. Star [Cinema] has done as much as they can. I have one as much as I could. This is hurtful to me as well. If you are upset, how do you think I feel? Star or I did not want to break your hearts. My heart is broken. And I am so very tired. It may be hard to accept, but there may never be another SHARON-GABBY movie again. Sorry", pahibawo pa ni Sharon
Ballpen ra
Sa tanang make-up nga mapahid sa nawong sa Kapuso star nga si Heart Evangelista, matud pa niya nga paborito gyud niya ang eyeliner. Wala sab niya gilimod nga ballpen ang iyang gigamit kaniadto aron magsilbi nga eyeliner. “Bata pa lang ako naga-eyeliner na ako sa school! Pilot ball pen lang! Wala pang liquid eyeliner, e, so pilot ball pen lang yung ginagamit ko", butyag pa ni Heart.
- Latest